Të vendosur të respektojnë distancën sociale, nusja dhe dhëndri u kërkojnë dasmorëve të ndjekin ceremoninë nga veturat e tyre luksoze

Një çift në Britani të Madhe ishin të përkushtuar që të respektohet distanca sociale në ceremoninë e tyre martesore, ku 250 dasmorë e ndoqën nga veturat e tyre si Audi, Land Rover dhe Lamborghini dyshen duke i ndërruar unazat – duke marrë parasysh se ligjet në fuqi në këtë vend parashohin tubimet vetëm deri në 15 persona.

Pas ceremonisë martesore, dyshja nga Essexi, Roma Popat dhe Vinal Patel të dy 30-vjeç, festuan me dasmorët të cilët me boritë e veturave sinjalizonin fillimin e një jete të re të çiftit, transmeton Telegrafi.

Raportohet se është 300 dasmorë tjerë që nuk kishin mundur të marrin pjesë në ceremoni, e kanë ndjekur atë nga transmetimi i drejtpërdrejtë.

“Kemi kaluar një ditë shumë të mirë – kemi pasur shumë telefonat dhe i kemi lutur të gjithë pjesëmarrësit që të respektojnë distancën sociale, nëse duan të jenë pjesë e ceremonisë tonë martesore”, kanë deklaruar dyshja.

Ky veprim i tyre është shpërndarë në masë të madhe nëpër rrjetet sociale, ku shumë prej komentuesve kanë duartrokitur dyshen për kujdesin e treguar, duke i uruar gjitha të mira në jetë. /Telegrafi/