Të shtënat me të vdekur në Kaliforni, disa të mbijetuar kishin përjetuar edhe masakrën e Las Vegasit! (Foto/Video)

Një numër njerëzish në Borderline Bar & Grill në Thousand Oaks, në Kaliforni, ku një person i armatosur hapi zjarrin, i kishin mbijetuar edhe të shtënave në Las Vegas.

Siç është raportuar nga mediat e huaja, përcjell Telegrafi, dymbëdhjetë vetë u qëlluan dhe u vranë kur një person i armatosur hapi zjarr në një vend të mbushur me njerëz dhe në një bar në Kaliforninë jugore.

Ka qenë një njeri i veshur me të zeza ai që qëlloi rojën e sigurisë, para se të qëllonte në drejtim të pranishmëve brenda.

Lexo po ashtu Të shtëna masive në një bar në Kaliforni, mediat raportojnë për 12 të vdekur – vritet edhe sulmuesi (Foto/Video)

Por çfarë ka rënë në sy, është një deklaratë e një dëshmitari të ngjarjes, i cili ka thënë se kishte miq të shumtë në Borderline, të cilët kishin mbijetuar të shtënat në Las Vegas, pak më shumë se një vit më parë.

“Shumë nga miqtë e mi mbijetuan në Route 91”, citohet të ketë thënë ai. “Nëse ata mbijetuan atë, ata do të mbijetojnë edhe këtë”.

Lexo po ashtu Vrau 59 njerëz dhe plagosi qindra të tjerë – sulmuesi i Las Vegasit thuhet se përdori një “pajisje speciale” për ta bërë këtë! (Foto/Video)

Bëhet fjalë për një ndër vrasjet më masive të llojit në historinë e SHBA-ve, ku mbetën të vdekur 58 persona.

Ndërkohë, dëshmitarë të tjerë kishin thënë se sulmuesi kishte mësyrë hapësirën ku kreu sulmin, i veshur me një xhaketë të zezë, i armatosur me armë dhe granata tymi.

Lexo po ashtu Pamje nga hoteli ku u vra sulmuesi i Las Vegas – shihet trupi i tij dhe një shënim mbi një tavolinë! (Foto)

Ai, siç thuhet më tej, u qëllua për vdekje, pas një përplasje armësh me policinë. /Telegrafi/

https://www.youtube.com/watch?v=ZA5aiKpxVZI