Zyrtarët njoftuan në një konferencë për shtyp të premten se personi që kishte qëlluar me armë brenda bazës së Marinës amerikane dhe i cili nuk është emëruar, u qëllua nga dy zëvendësit e Sherifit të Qarkut në Escambia, të cilët pësuan lëndime gjatë shkëmbimit me armë zjarri.
Tre nga personat e plagosur ndërruan jetë në vendin e ngjarjes dhe i katërt ndërroi jetë në spital.
Sherifi i Qarkut Escambia David Morgan tha se një telefonatë në 911 ishte pranuar në orën 6:51 të mëngjesit të kohës lokale, duke raportuar një person me armë brenda bazës, transmeton Telegrafi.
Dy policë u përballën me personin e armatosur brenda një ndërtese dhe shkëmbyen zjarr, duke vrarë autorin e krimit.
Njëri prej oficerëve pësoi një plagë me armë zjarri në krah, ndërsa tjetri u qëllua në gju dhe do t'i nënshtrohet operacionit.
Në total, tetë persona u dërguan në kujdesin shëndetësor Baptist në Pensacola, njëri prej të cilëve vdiq më vonë.
Guvernatori i Floridës, Ron DeSantis tha në një shkrim në Twitter se zyra e tij po monitoron situatën në Pensacola dhe po ofron mbështetje të plotë për zbatimin e ligjit. /Telegrafi/
