Do të rriten çmimet për regjistrimin e veturave në Maqedoni (Video)

Të rinjtë dhe të moshuarit do të paguajnë më shumë për regjistrimin e automjeteve. Po përgatitet vendim, përgjegjësia e obliguar në trafik për këto dy kategori të qytetarëve, por edhe për ata që kanë kryer shkelje në trafik të jetë më e lartë. Disa institucione kompetente që po i përgatitin këto ndryshime tani për tani nuk duan të zbardhin detaje për ndryshime.

“Të siguruarit, vozitës që vozitin me kujdes, varësish nga mosha do të paguajnë premi nga vozitësit që do të shkaktojnë shkelje në trafik, që janë bërë për shkak të moshës. Pastaj e rëndësishme do të jetë nëse vozisin në qytet apo në fshat. Në ambient urban trafiku është më i dendur dhe mundësitë për dëme janë më të mëdha”, tha Klime Popovski nga Agjencia e mbikëqyrjes së sigurimeve.

https://www.youtube.com/watch?v=HqYEcacqvBA

Siç mëson Alsat M në polisën për përgjegjësi në trafik tanimë shkruhet, nëse makina është benzin, dizel apo ka të instaluar pajisje për gaz. Gjithashtu shkruhet edhe ngjyra e automjetit. Të gjithë këto faktorë në të ardhmen do të jenë kyçe për çmimin e policës që e paguajnë qytetarët para regjistrimit të automjetit. Gjithashtu me propozim të qeverisë do të bëhet regjistrimi i makinave në vend dhe si automjetet ndikojnë ndaj ambientit jetësor. Do të kërkohet të shkruhet sa kilometra ka kaluar makina si dhe sa kilometra ka kaluar vitin e fundit, me çka kompetentët do të kenë njohuri sa ka lëvizur makina dhe sa gazra të dëmshëm ka lëshuar. Kompetentët thonë se këto informacione në të ardhmen mund të shfrytëzohen në hulumtime dhe projekte për uljen e ndotjes së ajrit dhe ambientit në vend. Ndryshe para më shumë se një viti kur ndotja e ajrit u bë problem serioz në opinion kishte informacione se Ministria e ambientit jetësor planifikon të ritë çmimin e regjistrimit ose të urdhërojë instalimin e katalizatorëve për makinat që ndotin, mes të cilave edhe ato me motor Euro 1.