Të pavaksinuarit Djokovic, Australia ia ndalon hyrjen për tre vjet

Novak Djokovic do të ndalohet të hyjë në Australi për tre vjet pasi u miratua anulimi i vizës së tij, ka konfirmuar qeveria federale.

Në një intervistë në emisionin Today, Karen Andrews konfirmoi ndalimin tre-vjeçar duke thënë: “Rezultati i procesit që shkoi përpara Gjykatës Federale dhe vendimet e tyre – viza u anulua nga Ministri i [Imigracionit] Hawke”.

“Ai anulim u mbështet nga Gjykata Federale, kështu që si rezultat i kësaj, atij do t’i ndalohet hyrja për tre vjet në vend” bëri të ditur zonja Andrews, Ministrja e Punëve të Brendshme.

“Tani ka disa arsye bindëse që mund të shikohen, por kjo është e gjitha hipotetike në këtë pikë… Çdo aplikim do të shqyrtohet në bazë të meritave të tij”, shtoi ajo.

Djokovic u largua nga Australia të dielën pas 11 ditësh përballjesh të jashtëzakonshme ligjore, pa që tenisit më në fund shteroi opsionet e tij dhe nuk kishte zgjidhje tjetër veçse të shoqërohej në aeroport nga policia.

Morrison u detyrua gjithashtu të hedhë poshtë pretendimet e çuditshme të presidentit serb se Djokovic ishte ‘torturuar’ ndërsa ishte në paraburgim për emigracionin.

“Epo, është shumë e qartë se Australia nuk e ka torturuar zotin Gjokovic”, Morrison i tha 2GB të hënën.

Djokovic humbi përpjekjen e fundit për të qëndruar në Melburn dhe për të konkurruar në Australian Open të dielën pasi tre gjyqtarë të gjykatës federale vendosën unanimisht se ai nuk kishte arsye për të kundërshtuar anulimin e vizës së zotit Hawke.

34-vjeçari, i cili është urdhëruar të paguajë shpenzimet ligjore të qeverisë federale, tha se ishte ‘jashtëzakonisht i zhgënjyer’ me vendimin e gjykatës për të hedhur poshtë kërkesën e tij. /Telegrafi/