‘Të mallkuarit’ e Real Madridit: Hazard iu bashkohet emrave si Prosinecki, Woodgate, Kaka e shumë yjeve të tjerë

Askush në fillim nuk kishte dyshim se Eden Hazard ishte i duhur për Real Madridin, pavarësisht nga kostoja prej 100 milionë euro.

Megjithatë dëmtimet e kanë dëmtuar ulur plotësisht karrierën e belgu te Los Blancos, ku tani duket se do të bashkohet në listën e lojtarëve të mallkuar së bashku me emra si Jonathan Woodgate , Leita Kaka dhe Robert Prosinecki.

Këta lojtarë kanë mbërritur të gjithë në kryeqytetin spanjoll si yje me një karrierë prapa tyre, megjithatë sapo prekën tokën spanjolle, karriera e tyre u kthye në dëshpërim.

Robert Prosinecki

Ai ishte xhevahiri i Evropës në vitin 1991, dhe Real Madrid mori vendimin për të nënshkruar me lojtarin që ishte thelbësor në triumfin e Crvenza Zvezdas në Ligën e Kampionëve (Kupës Evropiane) në atë kohë.

Transferimi i tij doli të ishte një katastrofë, me kroat që pësoi pesë dëmtime në nëntë muaj, që të gjitha probleme muskulore.

Përkundrazi çuditërisht, problemet muskulore të Prosinecki ishin të lidhura me infeksione.

Dëmtimet shkaktuan humbje të besimit dhe probleme psikologjike për Prosinecki dhe aventura e tij në Real Madrid përfundoi pa filluar.

Jonathan Woodgate

Woodgate arriti nga Newcastle United në vitin 2004 dhe ishte tashmë i dëmtuar kur erdhi te Reali, duke vonuar debutimin e tij për disa muaj.

Pas nënshkrimit në verën e vitit 2004, ai nuk bëri debutimin e tij në Real Madrid deri më 22 shtator 2005, pasi dëmtimi në kofshën e majtë e kishte mbajtur atë jashtë për 11 muaj.

Woodgate luajti vetëm 66 minuta në një debutim katastrofik kundër Athletic Bilbaos, ku pastaj kishte dëmtim të muskujve. Në dy sezone me Los Blancos , ai luajti 14 ndeshje.

Arjen Robben

Arjen Robben arriti në Santiago Bernabeu nga Chelsea, pasi luajti për ekipin e Jose Mourinhos. Nuk mund të bëhet krahasimi mes Robben dhe Hazard, edhe pse holandezi kishte dëmtime shumë edhe para se të mbërrinte në Spanjë.

Gjërat u përkeqësuan në Madrid, megjithëse ai nuk humbi periudha të gjata, ai thjesht humbi ndeshjet e mëdha dhe nuk mund të kishte një ritëm para se të dërgohej në Bayern Munich, ku ai u bë një nga lojtarët më të mëdhenj të klubit bavarez.

Leita Kaka

Pas viteve plot shkëlqim te Milani duke qenë kandidat i rregullt për “Topin e Artë”, Kaka bëri lëvizjen e madhe kur nënshkroi për Real Madrid në verën e paharrueshme të vitit 2009.

Sidoqoftë, gjërat në Spanjë shkuan keq për të.  Ai nuk kishte vazhdimësi në Madrid dhe kjo ishte kryesisht për shkak të dëmtimeve. Pas kësaj, megjithatë, Kaka nuk ishte në gjendje të bindte Jose Mourinhon që të luante rregullisht, diçka me të cilën shumë lojtarë sulmues kanë pasur probleme.

Gareth Bale

Karriera e Gareth Bale në Real Madrid mund të ndahet në dy pjesë, me të parën që ishte tepër mbresëlënëse pasi ai kontribuoi në disa momente magjike dhe suksese.

E dyta është ajo ku dëmtimet e ndikuan në të dhe e mbajtën atë mënjanë për periudha të gjata.

Në shtatë sezone me Los Blancos, Bale humbi 532 ditë për probleme fizike, të cilat erdhën nga tetë dëmtime serioze, 21 dëmtime muskulore dhe një herë nga gripi.

Hazard, megjithatë, në vetëm një sezon e gjysmë në Madrid ka humbur 350 ditë, duke bërë që çështjet e Bale të duken shumë më pak problematike.

Juan Lozano

Kjo është një histori më e largët, që fillon në fillimin e viteve 1980, kur Juan Lozano arriti në Real Madrid nga Anderlechti.

Ai ishte nënshkrimi rekord i klubit në atë kohë, pasi për të u paguan 200 milion pesetë. Ai ishte një mesfushor i shkëlqyeshëm me një teknikë mjaft të mirë, por ai do të luante vetëm 24 ndeshje për Los Merengues.

Lozano humbi 15 ndeshje për shkak të një frakture në vitin 1984, duke e përfunduar sezonin e tij para kohe.

Mes dëmtimeve dhe jetës së natës në Madrid, Lozano kurrë nuk ishte në gjendje të linte gjurmë në klubin mbretëror dhe u kthye në Anderlecht pas vetëm 22 ndeshjeve të luajtura.

/Telegrafi/