Të enjten mbahet Samiti për Inovacionet në Drejtësi

Projekti i USAID-it për Drejtësi, përmes një komunikate drejtuar mediave ka bërë thirrje për pjesëmarrje në Samitin e dytë vjetor për Inovacione në Sistemin e Drejtësisë në Kosovë.

Në njoftimin e bërë për media thuhet se, këtë vit samiti ka për qëllim portretizimin e punës së Rrjetit të Inovacionit në Drejtësi, gjate vitit të kaluar.

“Rrjeti i Inovacionit në Drejtësi është një mekanizëm që bashkon ofruesit e shërbimeve të drejtësisë, organizatat e shoqërisë civile, bizneset dhe donatorët ndërkombëtarë, me qëllim të identifikimit të sfidave në Sistemin e Drejtësisë dhe gjetjen e mënyrave inovative për zgjidhjen e tyre”, thuhet në njoftim.

Bashkohuni në Samitin një-ditor më datë 05 tetor 2023, dhe përfitoni nga pikat kryesore të mëposhtme:

• Merrni pjesë në diskutimin mbi rolin e të dhënave në zgjidhjen e sfidave, formulimin e zgjidhjeve dhe ndarjen e sukseseve.
• Njoftohuni me inovacionet më të reja që USAID-i ka prezantuar për sistemin e drejtësisë në Kosovë.
• Njoftohuni me më shumë se 100 inovator nga fusha të ndryshme, duke zgjeruar rrjetin e inovatorëve të drejtësisë.

Bëhuni pjesë integrale e narrativës transformuese të sistemit të drejtësisë së Kosovës. Regjistrohuni për këtë ngjarje një-ditore të nivelit të lartë dhe kontribuoni me ekspertizën dhe njohuritë tuaja në diskursin më të gjerë. Për pjesëmarrjen tuaj: Regjistrohuni KËTU.

Pjesëmarrja në këtë samit është pa pagesë, dhe të gjithë personat që regjistrohen do të pranojnë programin (agjendën) e detajuar, në adresën e tyre elektronike.

Samiti për Inovacionet në Drejtësi, vjen me edicionin e dytë dhe mbahet më 5 Tetor (E enjte), nga ora 09:00 në Klan Arena, në Prishtinë, si bashkë-organizim i USAID Kosovo (Programi për Drejtësi), Rrjetit të Inovacioneve në Drejtësi dhe Innovation Centre Kosovo. /Telegrafi/