Instituti Hidrometeorologjik i Kosovës bën të ditur se të dielën do të mbajë mot kryesisht i vranët me riga lokale shiu dhe shkarkime rrufesh.
IHK njofton se rigat e shiut parashihen të vijnë gjatë orëve të vona të ditës së shtune (28.08.2021), për të vazhduar kohë pas kohe edhe ditën e diele.
Temperaturat minimale do të lëvizin ndërmjet 10-11 gradë Celsius, ndërsa maksimalet e ditës parashihen të lëvizin ndërmjet 19-21 gradë Celsius.
Do të fryjë erë kryesisht nga verilindja me shpejtësi 1-8m/s. /Telegrafi/
