Tastiera e cila dezinfekton vetveten

Në listën e objekteve të përdorimit të përditshëm me sasi rekorde të baktereve ndodhet edhe tastiera.

Për shkak të kësaj kompania Viguard zbuloi pajisjen e cila përmes dritës ultraviolete mënjanon, siç thonë ata, 99.9 për qind të baktereve.

Mirëpo, testimi klinik ka treguar se pajisja mënjanon vetëm 67 për qind të baktereve dhe se nuk anulon nevojën për pastrimin manual të tastierës.

Sidoqoftë, Vioguard, kompania të cilën e kanë themeluar disa inxhinierë nga Microsoft, shet tastierat të cilat dezinfektojnë vetveten për 900 dollarë. Investimi në një tastierë të këtillë sipas të gjitha gjasave ia vlen për shkak se një hulumtim ka zbuluar se tastierat janë pesë herë më të ndotura se guaca e tualetit.

Tastiera e Vioguardit tërhiqet brenda në kutinë në të cilën dezinfektohet me anën e dritës ultraviolete që buron nga dy llamba me fuqi nga 24 vat. Kutia ka sirtarin në të cilën tastiera tërhiqet në mënyrë automatike përderisa shfrytëzuesi mos të bëj me dorë para kutisë për të aktivizuar detektorin infra-të-kuq të lëvizjeve, i cili nxjerr tastierën nga ambienti pa baktere. /Telegrafi/