Sampdoria dhe Udinese kanë luajtur baras në Stadio Luigi Ferraris në ndeshjen, në të cilën u shënuan gjashtë gola (3-3).
Roberto Pereyra shënoi i pari për mysafirët, ndërsa me autogolin e Jens Stryger Larsen u barazua rezultati.
Beto riktheu epërsinë e vizitorëve, ndërsa Fabio Quagliarella i solli sërish shifrat në nivel.
Dhe erdhi çasti i Antonio Candreva, i cili pranoi një top nga Quagliarella dhe goditja e tij ishte mbresëlënëse duke prodhuar një gol jashtëzakonisht të bukur.
https://twitter.com/StephenScouted/status/1444672384867262469
Edhe pse jemi vetëm në fillim të sezonit në Serie A, ky padyshim që do të jetë ndër golat konkurrentë për çmimin e golit më të bukur të këtij edicioni.
Ndryshe, ndeshja u mbyll baras, duke qenë se Fernando Forestieri realizoi golin e tretë për Udinesen. /Telegrafi/
https://streamable.com/xisnui
