Syzet që Oprah i mbajti gjatë intervistës me Meghan dhe Harry, janë bërë hit në gjithë botën

Syzet që e famshmja Oprah Winfrey i ka mbajtur gjatë intervistës me princin Harry dhe gruan e tij, Meghan Markle, janë bërë një hit i vërtetë dhe shumë të kërkuara.

Ato janë prodhuar nga kompania zvicerane me bazë në Cyrih, Gotti, që prodhon korniza me cilësi të lartë. Sidoqoftë, interesi publik për kornizën e syzeve që mbajti Oprah, e ka befasuar edhe vet kompaninë.

Intervista u shikua nga të paktën 50 milionë njerëz në Shtetet e Bashkuara, Britani të Madhe dhe në të gjithë botën, ndërsa gjatë bisedës, çifti i famshëm akuzoi rëndë familjen mbretërore britanike.

Megjithatë, gjithashtu tërhoqën vëmendje edhe syzet që Oprah i mbante gjatë intervistës dramatike. Ato u prodhuan nga kompania Gotti, e themeluar nga Sven Gotti në vitin 1993, në Wadensil, një qytet i vogël në brigjet e Liqenit të Cyrihut. Kompania prodhon korniza në sasi rreth 10.000 në muaj, të cilat ua shet optikëve të pavarur.

Lexo po ashtu Intervista e Princit Harry dhe Meghan Markle me Oprah Winfrey bëhet emisioni më i shikuar deri më tani për vitin 2021

Kornizat prodhohen në punëtoritë në Zvicër, dhe kushtojnë mesatarisht midis 480 dhe 600 euro.

Sidoqoftë, modeli OR02 i që pati Oprah u krijua nga vetë Gotti dhe posaçërisht për legjendën amerikane të televizionit, pasi ai u takua me të përmes optikëve të tij të preferuar në Washington.

“Unë krijova dy modele të ndryshme për të, por kur i pa, ato i pëlqyen aq shumë sa nuk dinte cilin të zgjidhte, kështu që mori të dy palët. Winfrey ka një koleksion mbresëlënës të syzeve, por i pëlqen këto sepse ato janë të lehta pavarësisht nga madhësia që kanë”, ka deklaruar Gotti. /Telegrafi/