Susan Wojcicki, drejtoresha ekzekutive e YouTube njofton se do të largohet nga detyra e saj

Drejtoresha ekzekutive e YouTube, Susan Wojcicki, një nga femrat më të shquara në botën e teknologjisë, sapo ka njoftuar se do të largohet nga detyra e saj.

Në një letër drejtuar punëtorëve të YouTube, Wojcicki shpjegon arsyen e dorëheqjes së saj si drejtoreshë ekzekutive është përqendrimi në projektet e saj të familjes, shëndetit dhe pasionit.

Ajo do të pasohet nga Neal Monhan, i cili ka punuar ngushtë me Wojcicki për shumë vite dhe ka punuar nën të në YouTube që nga viti 2015. Monhan iu bashkua Google fillimisht në 2007 me DoubleClick Acquisition dhe përfundimisht u bë zëvendës president i parë i “Display and Video Ads”. Ai përfundimisht u bë zyrtari kryesor i Produkteve të YouTube në 2015 dhe ka udhëhequr ekipin e besimit dhe sigurisë së YouTube, raporton GSM Arena, transmeton Telegrafi.

Susan nuk do të largohet ende nga YouTube. Letra e saj shpjegon se ajo do të mbështesë Monhan gjatë tranzicionit dhe do të vazhdojë të punojë me ekipet e YouTube, anëtarët e ekipit të trajnimit dhe do të takohet me kreatorët.

Në termat afat të gjatë, Wojcicki “ka rënë dakord me Sundar për të marrë një rol këshillues në të gjithë Google dhe Alphabet”, ku ajo do të ofrojë udhëzime dhe këshilla në të gjithë bizneset e Google.

“Susan ka një vend unik në Historinë e Google dhe ka dhënë kontributin më të jashtëzakonshëm për produktet e përdorura nga njerëzit kudo. Ne jemi shumë mirënjohës për gjithçka që ajo ka bërë gjatë 25 viteve të fundit” – thamë Larry Page dhe Sergey Brin, themeluesit e Google në një deklaratë të përbashkët.

Susan Wojcicki ishte ajo që lëshoi me qira garazhin e saj për Page dhe Brin për të filluar funksionimin e Google, ajo përfundimisht do të bëhej punonjëse e Google një vit më vonë. /Telegrafi/