Surroi: Interes strategjik i Kosovës që Serbia të jetë pjesë e Bashkimit Evropian (Video)

Publicisti dhe shkrimtari, Veton Surroi ka thënë ka thënë se me Serbinë duhet të trajtojmë të kaluarën dhe të ndërtojmë të ardhmen së bashku.

Surroi ka thënë se takimet me Haradinajn dhe Veselin do të vazhdojnë në kuadër të bashkëpunimit që ka Fondacioni për Shoqëri të Hapur (KFOS) me institucionet.

Publicisti në “Debat Plus” me Ermal Pandurin në RTV Dukagjini ka thënë se taksa e vendosur ndaj mallrave serbe është indikatori më i mirë se si janë marrëdhëniet mes Kosovës dhe Serbisë.

Ai ka thënë se politikanët si zonja Mogherini nuk kanë treguar aftësi të mëdha në procesin e dialogut.

“Me të përfunduar mandatin e saj, zonja Mogherini nuk do të mbahet në mend për ndonjë sukses në dialogun Kosovë-Serbi…Për atë [Mogherinin] shtatë vite janë përvojë pune, për Kosovën janë vite të humbura”, tha Surroi, përcjell Telegrafi.

Publicisti ka thënë se nëse Bashkimi Evropian ka vullnet të ndihmojë Serbinë, edhe Kosova duhet ta ndihmojë Serbinë.

“Është interes strategjik i Kosovës që Serbia të jetë pjesë e Bashkimit Evropian… Serbia që të jetë anëtare e Bashkimit Evropian, Serbia duhet të trajtojë rastet për 20 mijë gratë e dhunuara në Kosovë. Serbia duhet të jep listën e komandantëve që kanë vrarë fëmijë”, tha Surroi.

Ai ka thënë se me Serbinë duhet të trajtojmë të kaluarën dhe të ndërtojmë të ardhmen së bashku.

“Kushdo që e udhëheq Serbinë, interesi ynë është që Serbia të jetë fqinjë i mirë. Për të qenë fqinjë i mirë, duhet trajtuar e kaluara me Serbinë”, tha Surroi./Telegrafi/