Superkupa – Vlerësimet e lojtarëve

I erdhi fundi një drame të vërtetë në Pragë ku Bayerni tregoi instinktin vrasës në momentet e duhura ndaj Chelseat, për të rrëmbyer mrekullisht Superkupën e Evropës. Telegrafi sjell notat e lojtarëve.

Bayern Munich

Manuel Neuer – 7.5
Nuk kishte shumë për të bërë. Reagoi shumë keq në golin e Hazardit, por ndali penaltinë e Lukakut për t’ia fituar Bayernit Superkupën.

David Alaba – 7.5
Beteja e tij me Schurrlen ishte në dy pjesë. Të parën e fitoi gjermani, kurse e dyta i takoi Alabas.

Dante – 8.0
Bëri një gabim të vogël në golin e parë të Chelseat, por ishte fantastik gjatë gjithë takimit, duke treguar siguri në zonën bavareze.

Jerome Boateng – 6.0
Ai arriti që të shtrijë ndikimin në fazën ofensive, por në mbrojtje shfaqi disa herë pa siguri. U kalua si një amater nga Hazard në golin e dytë të Bluve, që rrezikoi Superkupën ekipit të tij.

Philipp Lahm – 5.5
Njëjtë sikur Boateng, edhe kapiteni i Bayernit nuk ishte prej më të mirëve. Ai luajti në mesfushë, por të kujtojmë se ai nuk është Schëeinsteiger dhe se nuk arriti të ofrojë sigurinë e duhur në fazën ofensive. Një prej fajtorëve kryesorë në golin e dytë të Chelseat.

Rafihna – 4.5
Totalisht jashtë sistemit, braziliani u la në publik nga Eden Hazard. U zëvëndësua nga Javi Martinez, i cili u tregua heroik për ekipin e tij.

Arjen Robben – 7.0
Nuk ishte në formën e tij të shkëlqyer, kjo për shkak të Ashley Cole. Goditjet e tij dhe pasimet u bllokuan, bëri një aksion të mirë për Mullerin.

Franck Ribery – 9.0
Lojtari më i mirë në Evropë për sezonin e kaluar tregoi se pse e mori këtë çmim. Asnjëherë nuk u ndal nga mbrojtja e Chelseat në depërtimet në krah, ishte i rrezikshëm në goditjet dhe po të mos ishte Petr Cech, francezi do të shënonte shumë gola.

Toni Kroos – 6.5
Nuk punoi në nivelin e duhur bashkë me Lahm, që të dy dështuan t’i përmbushin pritjet e trajnerit në mesfushë, duke lënë gjithë barën te Ribery në krah.

Mario Mandzukic – 6.5
Edhe Mandzukic ishte në formë të mirë, duke kontribuar për ekipin me aq sa pati mundësi, edhe pse nuk arriti të shënonte.

Thomas Muller – 6.5
Lëvizja e tij pa top ishte e shkëlqyer, por finishi ishte i tmerrshëm. U zëvëndësua nga Gotze.

Zëvëndësuesit

Javi Martinez – 9.5 (Lojtari i ndeshjes)
Thjesht, hyrja e tij në lojë ndryshoi takimin. Bayerni ishte i fortë në mes dhe Chelsea u zhduk tërësisht dhe u mbyll në mbrojtje. Pas golit të Bluve, Martinez e tregoi veten duke shënuar në momentet vendimtare për ekipin e tij.

Mario Gotze – 6.5
Nuk ishte në formën më të mirë, por ishte shkaktari i faulit që përjashtoi Ramiresin.

Xherdan Shaqiri – 7.5
Futbollisti shqiptar pati një mundësi të artë kur dështoi të qëllonte portën nga afërsia. Nuk bëri diferencën e pritur, por ishte vendimtar duke realizuar penaltinë e pestë, e cila i bëri presion Lukakut që të dështojë.

Chelsea

Petr Cech – 9.0
Ndali pothuajse gjithçka. Arriti që të ndalë një gjuajtje të lirë të Riberys dhe disa goditje të pabesueshme nga afërsia. Nuk u gjend te vendi për golin e Martinez, por performanca e tij do të mbahet mend gjatë në Pragë.

Branislav Ivanovic – 7.0
E mbyti Riberyn në ajër dhe i shkaktoi telashe në fushë, por aftësitë teknike të tij janë të limituara, kështu që francezi depërtoi pa problem pranë tij.

Ashley Cole – 8.0
Dueli i tij personal me Robbenin ishte fascinues. Asnjëherë nuk e la të tejkalonte holandezin – kjo ndodhi vetëm një herë kur lejoi pasimin e tij te Muller, top që krejt në fund edhe e arriti anglezi për të ndalur një gol të sigurtë.

David Luiz – 8.2
Bëri disa intervenime të nevojshme dhe arriti të lexojë pasimet kundërshtare. Arriti që të jetë shef në zonën e Chelesat qysh në paraqitjen e tij të parë sezonale pas kthimit nga lëndimi.

Gary Cahill – 8.0
Arriti që bashkë me Luizin të jenë shtyllat e mbrojtjes Blu drejt rezistencës që për pak sa nuk përfundoi në triumf.

Ramires – 3.0
Nuk ishte faktor në fushë, madje i shkaktoi telashe ekipit të tij me përjashtimin.

Frank Lampard – 7.0
Pak ka pasur mundësi të tregojë veten, por ishte i mirë në pozitën e tij duke mbuluar edhe Ramiresin që nuk ishte në elementin e tij.

Oscar – 7.5
Arriti të luajë me Kroosin dhe Lahmin, duke mbajtur me mençuri topin. Lansoi pasimin te Schurrle, i cili e dhuroi golin për Torresin.

Eden Hazard – 8.5
I jashtëzakonshëm në pjesën e parë, arriti që të depërtojë shpesh në mbrojtjen e Bayernit, ishte dominant ndaj Rafihnas. Ndikimi i tij u zvogëlua pas inkaudrimit të Martinezit, por arriti të shënojë një gol të bukur pas një depërtimi fantastik.

Andre Schurrle – 7.5
Kishte dominancën ndaj Alabas në pjesën e parë dhe arriti të bëjë një asistim të përkryer për Fernando Torresin, i cili shënoi një gol të bukur.

Fernando Torres – 6.5
Realizoi me qetësi golin e bukur. Më pas nuk u shfaq, përveç një mundësie që përfundoi mbi portë.

Zëvëndësuesit

John Terry – 3.0
Zëvëndësoi Hazardin dhe ishte në fushë sa për të thënë se luajti.

John Obi Mkel – 6.5
Zëvëndësoi Schurlen kur Ramires u larguar dhe arriti të jetë partner i mrekullueshëm për Lampardin.

Romelu Lukaku – 2.5 (Dështimi i ndeshjes)
Zëvëndësoi Torresin, duke i dhënë mjaft fuqi sulmit Blu. Por, humbi penaltinë vendimtare, të cilën ndoshta Torresi do ta kishte realizuar. Në këto raste, një lojtar i madh e realizon një penalti të një karakteri kaq të madh. Nuk falet humbja.

/Telegrafi/