Një superjaht rreth 50 metra i gjatë, i quajtur “007” është fundosur pak metra larg një plazhi grek.
Sipas mediave të huaja, përcjell Telegrafi, anija, e cila mendohet të jetë në pronësi të një biznesmeni zviceran, por që lundronte nën një flamur britanik, u rrëzua pasi u përplas me shkëmbinj vetëm 15 metra larg gjirit piktoresk Kolona në ishullin Kythnos.
GPS-i i varkës dyshohet se nuk ka funksionuar dhe e çoi varkën drejt bregut.
Rojet bregdetare iu përgjigjën thirrjeve dhe pesë pasagjerët në bord u shpëtuan shpejt pasi ajo filloi të fundosej të premten në mbrëmje.
Deri të shtunën, jahti ishte pothuajse plotësisht i zhytur.
Jahti mund të strehojë deri në 10 pasagjerë dhe pesë anëtarë të ekuipazhit në bord.
Një hetim për mbytjen po vijon nga Roja Bregdetare.
Ai thuhet të jetë jahti i tretë më i madh i ndërtuar nga Aegean dhe është shitur për herë të fundit në vitin 2012, sipas Superyacht Times. /Telegrafi/
