Sulm me dron në zonën ku ndodhet shtëpia e Netanyahut, nuk dihet ku ndodhet kryeministri izraelit

Një dron i nisur nga Libani goditi një ndërtesë në një lagje në qytetin e Cezera ku ndodhet rezidenca private e kryeministrit izraelit, Benjamin Netanyahu.

Ushtria izraelite njoftoi se tre dronë u gjuajtën në Izrael nga territori i Libanit dhe se njëri goditi një ndërtesë në Cezare. Sipas informacioneve të para, nuk ka pasur të lënduar.

Pamjet e publikuara tregojnë një numër të madh autoambulancash dhe shërbimesh të tjera ndërsa qasja për media është e ndaluar. Zyra e Netanyahut refuzoi të jepte informacion se ku ndodhej ai në momentin e sulmit.

The first footage from the area where Netanyahu’s house is located after Hezbollah kamikaze UAV attack in Caesarea.

The UAV flew 70 kilometers from Lebanon and directly hit a building in Caesarea.

Israeli police & ambulances are present. https://t.co/6XSYftKi0v pic.twitter.com/3czw4vqv0J

— Clash Report (@clashreport) October 19, 2024

Sulmet me dronë filluan në orët e hershme të mëngjesit duke synuar Tiberinë dhe zonat përreth, me ushtrinë që pretendonte se kishte rrëzuar dy drone. Mbetjet e raketave ranë në Detin e Galilesë.
Kanali Al Hadath i Arabisë Saudite tha se objektivi i sulmit ishte shtëpia e Netanyahut, shkruan skynews.

Sirenat paralajmëruese ishin aktive edhe në pjesë të tjera të Izraelit, duke përfshirë rajonin Emek Hefer, Tel Aviv dhe zonën në veri të qytetit.

Incidenti ndodhi pak pasi sirenat u aktivizuan në zonën e Gjirit të Haifa, duke paralajmëruar për infiltrimin e dronëve të armikut. Më parë, sirenat në rajonin e afërt Emek Hefer paralajmëruan për avionë armik, për të cilin ushtria tha në atë kohë ishte rezultat i një alarmi të rremë. /Telegrafi/