Sugareski: Do të ndërtohet rrugë e posaçme nga Strumica deri në kufirin me Bullgarinë

Ministri i Transportit dhe Lidhjeve, Goran Sugareski gjatë këqyrjes së punimeve në rrugën rajonale Strumicë-Novo Sello tha se janë të përqendruar në avancim të vendkalimeve kufitare me qëllim që të lehtësohet transporti, të mundësohen transport funksional dhe i sigurt i mallrave dhe udhëtarëve dhe të rriten këmbimet ndërkombëtare tregtare. Sugareski thotë se janë të fuqishëm në përmirësimin e rrjetit rrugor që Maqedoninë e lidh me shtetet fqinje.

Rruga rajonale Strumicë-Novo Sello po rehabilitohet në 12.3 kilometra, ndërsa vlera e investimit është 1.8 milionë euro. Sugareski theksoi se planifikohet edhe rrugë e posaçme prej Strumicës deri në kufi me Bullgarinë, me çka do ta lehtësojë transportin dhe do ta forcojë ekonominë e rajonit juglindor, përcjell Telegrafi Maqedoni.

“Krahas rehabilitim të aksit rrugor Strumicë-Novo Sello, dua të theksoj se do ta përfundojmë edhe rrugën Berovë-Klepallo, do të rikonstruojmë rrugën drejt vendkalimit kufitar në Dellçevë, do të rehabilitojmë rrugën rajonale Dellçevë-Pehçevë, përfundojmë me rehabilitimin e rrugës Berovë-Vinicë, dhe gjithashtu siguruam mjete financiare për rrugën Kriva Pallankë-Deve Bair dhe presin që sa më shpejt të nisim me rikonstruim.”, tha Sugareski duke shtuar me punimet në rrugë në pjesën jug-lindore zhvillohet rritja ekonomike për këtë rajon.

Sipas tij, investimet kapitale vetëm për këtë rajon momentalisht janë mbi 100 milionë euro dhe se do të vazhdojmë në të ardhmen./Telegrafi/