Këtë fundjavë u zhvilluan ndeshjet e xhiros së 24-të të Ligës së Parë të Maqedonisë së Veriut, ku derbi i kësaj jave u luajt në mes Struga Trim Lum dhe Rabotniçkin, shkruan Telegrafi Maqedoni.
Ndeshja në mes Rabotniçkit-Stuga Trim Lum u zhvillua ditën e shtunë dhe përfundoi me rezultat 1-0. Goli i vetëm u shënua nga Maleski në minutën e 28-të.
Në ndeshjet tjera që u luajtën ditën e shtunë Akademija Pandev-Shkupi përfundoi me rezultat 1-1, Pobeda humbi nga Sileksi me rezultat 1-5, Tikveshi mundi Makedonija GjP.
Ditën e diel u zhvillua vetëm një ndeshje ajo në mes Skopjes dhe Shkëndijës e cila përfundoi me rezultat 0-2. Golat për Shkëndijën u shënuan nga A. Shala në minutën e 22 dhe E. Çinari në minutën e 79.
Struga Trim Lum vazhdon të kryesojë tabelën me 46 pikë, ndjekur nga Shkupi me 42 pikë dhe Shkëndija me 41 pikë./Telegrafi/