Stoltenberg: Ukraina do të anëtarësohet në NATO

Në përvjetorin e dytë të pushtimit rus të Ukrainës, Sekretari i Përgjithshëm i NATO-s, Jens Stoltenberg, është shprehur i sigurt se e ardhmja e ukrainasve do të jetë në aleancën e mbrojtjes perëndimore.

“Ukraina do të bashkohet me NATO-n. Nuk është çështje nëse, por kur”, tha Stoltenberg.

Lexo po ashtu Dy vite luftë - heronjtë ukrainas kundër pushtuesve rus

“Ndërsa ne ju përgatitim juve për atë ditë, NATO do të vazhdojë të qëndrojë krah Ukrainës. Për sigurinë tuaj, dhe për tonën”, shtoi ai.

Sekretari e përshkroi situatën në frontin e betejës si “jashtëzakonisht serioze” dhe tha se “nuk ka shenja se presidenti rus, Vladimir Putin, po përgatitet për paqe”. Në të njëjtën kohë, Stoltenberg vlerësoi edhe forcat ukrainase.

Lexo po ashtu Rrëzohet një aeroplan luftarak rus në rajonin e Khersonit - ukrainasit publikojnë video prej vendit të ngjarjes

“Ju keni rimarrë gjysmën e territorit të pushtuar nga Rusia. E larguat Rusinë nga pjesë të mëdha të Detit të Zi. Dhe i shkaktuat humbje të mëdha të forcave”, tha shefi i NATO-s.

Gjithashtu bëri me dije se vendet e NATO-s kanë ofruar miliarda euro ndihmë për Kievin deri më tani, ku përfshihen municione artilerie, mbrojtje ajrore, anije luftarake, pjesë të aeroplanëve ushtarak F-16, dronë, dhe pajisje për çminim.

Ndryshe, sekretari amerikan premtoi më shumë mbështetje për Ukrainën. /Telegrafi/