Spiro Ristovski paralajmëron projekte kapitale në Komunën e Gazi Babës

“Objetke të reja në shkollën fillore “Vera Jociq” dhe “Kërste Petkov Mirirkov” do të ndërtohen gjatë periudhës së ardhme. Në kuadër të SHF “Vera Jociq” do të ndërtohet dhe sallë sportive moderne, ndërsa shpejtë do të fillojë dhe ndërtimi i sallës sportive në kuadër të SHF “Shën Kirli dhe Metodi” në fshatin Stajkovci në Komunën e Gazi Babës. Këto projekte i paralajmëroi sot zv.ministri i Arsimit dhe Shkencës, Spiro Ristovski dhe kryetari i Komunës së Gazi Babës Toni Trajkovski, përcjell Telegrafi Maqedoni.

“Me kryetarin dhe përfaqësuesit tjerë të komunës e kemi rishikuar progresin e projekteve të cilat janë në lidhje me resurset e arsimit dhe do të përmirësojnë infrastrukturën e arsimit në territorin e Gazi Babës. Një nga kërkesat më të mëdha të qytetarëve të Gazi Babës është ndërtimi i objektit të ri të SHF “Vera Jociq”, e cila është në gjendje jo të mirë”, deklaroi Ristovski.

Ai gjithashtu theksoi se në fillim të muajit maj do të fillojnë aktivitetet e ndërtimit për objektet e reja të shkollave për 600 nxënës./Telegrafi/