Spotify teston veçorinë e re për video si TikTok

Spotify është aplikacioni më i fundit që eksperimenton një veçori të re të videove të ngjashme me dizajnin e suksesshëm të TikTok.

Një veçori e re në një version të hershëm testues për iPhone zbulon një skedë të re Discover që po shtohet në faqen e parë të aplikacionit.

Ai ka videoklipe vertikale muzikore që përdoruesit mund t’i kalojnë me shpejtësi, të ngjashme me ndërfaqen e TikTok.

Nuk është ende e qartë nëse funksioni është planifikuar për një lëshim të gjerë, apo është vetëm një test që mund të mos shtohet kurrë në aplikacionin kryesor.

Ai u zbulua për herë të parë nga Chris Messina, i njohur gjerësisht si shpikësi i hashtag-ut, i cili postoi një video të shkurtër në Twitter duke treguar sistemin e ri në veprim.

Formati i videos me lëvizje vertikale të TikTok është kopjuar në mënyrë të përsëritur që kur aplikacioni në pronësi kineze shpërtheu në skenë në vitin 2016 dhe ka shpërthyer në popullaritet vitet e fundit.

YouTube ka një version eksperimental të quajtur Shorts, Instagram ka prezantuar një veçori të ngjashme të quajtur Reels dhe Snapchat ka shtuar Spotlight. Aplikacione të tjera me karakteristika të ngjashme si shtylla e tyre qendrore përfshijnë Byte dhe Tiller. /Telegrafi/

https://twitter.com/chrismessina/status/1463542273216446472