Spektakël në NBA, Harden shkëlqen në fitoren e Houstonit (Video)

Finalisti i vitit të kaluar, Cleveland Cavaliers nuk po arrin dot t’i bëjë dy fitore radhazi në NBA.

Cavs kanë pësuar përsëri humbje dhe kësaj radhe në udhëtim tek Houston Rockets me katër pikë diferencë 117-113.

Si në çdo takim për ‘Raketat’ edhe kësaj radhe më i miri në parket ishte James Harden.

‘Mjekrra’ pati paraqitje të jashtëzakonshme duke bërë ‘Triple Double’, me 35 pikë, 13 asistime e 11 kërcime.

Harden u ndihmua edhe nga Eric Gordon që shtoi 20 pikë dhe qendra Clint Capela me 19 pikë e 13 kërcime.

LeBron James ishte më efikasi tek mysafirët me 33 pikë dhe u ndihmua nga Jeff Green me 27 të tjera por të pamjaftueshme për fitoren e Cavs.

Fitore ka shënuar edhe Washington Wizards që ka mposhtur talentet e Los Angeles Lakers 111-95.

Jon Wall me 23 pikë, Breadley Beal me 22 dhe Oto Porter me 20 të tjera ishin më efikasit tek Wizards.

Ndërkohë Brook Lopez e Jordan Clarkson shënuan nga 15 pikë për Lakers, ndërsa Kuzma dhe Caldwell Pope shtuan nga 13 të tjera por që ishin të pamjaftueshme për suksesin e LA Lakers.

Në ndeshjet tjera të zhvilluara natën e mbrëmshme, bije në sy humbja e Oklahoma Thunder nga Denver Nuggets 102-94, fitorja befasuese e Sacramento Kings 109-108 nga Philidelphia 76ers si dhe fitorja e Toronto Raptors përballë New Orleans Pelicans 122-118. /Telegrafi/

Rezultatet:

Washington Wizards – LA Lakers 111:95

https://www.youtube.com/watch?v=3QMo-VvDEw4

Toronto Raptors – New Orleans Pelicans 122:118

Houston Rockets – Cleveland Cavaliers 117:113

https://www.youtube.com/watch?v=3fXkQy_-RYo

Sacramento Kings – Philadelphia 76ers 109:108

https://www.youtube.com/watch?v=_isfJWVXD9I

Denver Nuggets – Oklahoma City Thunder 102:94