Spasovski-Trudeau: COVID-19 është një sfidë globale, nevojitet bashkëpunim më i ngushtë shumëpalësh

Në një bisedë me kryeministrin kanadez Justin Trudeau përmes një video-konference, Kryeministri teknik Oliver Spasovski falënderoi Kanadanë për ndihmën e saj për Republikën e Maqedonisë së Veriut në tejkalimin e pasojave të coronavirusit, duke theksuar bashkëpunimin dhe partneritetin e shkëlqyeshëm dhe të vazhdueshëm midis dy vendeve.

Të dy ranë dakord që COVID-19 është një sfidë globale dhe se një përgjigje globale është e nevojshme të arrihet përmes një bashkëpunimi më të ngushtë përmes institucioneve shumëpalëshe.

“Me anëtarësimin dhe aleancën tonë në NATO, hapen mundësi shtesë për bashkëpunim, për të cilat ka interes nga të dyja palët”, shkroi Spasovski në profilin e tij në Facebook.

Nga ana e tij, Kryeministri Kanadez Trudeau shprehu kënaqësi për bashkëpunimin e fortë dypalësh dhe domethënës, duke thënë se vendi i tij ishte krenar për mbështetjen e Kanadasë për integrimin e Maqedonisë në NATO, dhe se të dy vendet do të punojnë më afër së bashku si aleatë në të ardhmen./Telegrafi/