Spalletti: Ishin tri pikë të rëndësishme, Dalbert ka të majtën si të Roberto Carlosit

Interi ka marrë fitoren e tretë radhazi dhe të katërtën në Serie A për këtë edicion.

Neroazzurrët mposhtën lehtësisht në shtëpi Cagliarin me rezultat 2-0 falë golave nga Lautaro Martinez dhe Matteo Politano.

Me fitoren dhe tri pikët e marra është ndarë i kënaqur trajneri i Interit, Luciano Spalletti.

“Kemi bërë disa gabime në qarkullim të topit por në përgjithësi jam i kënaqur”.

“Luajtëm mirë dhe morëm tri pikët që i donim. Këto tri pikë na mbajnë në zonën e Ligës së Kampionëve”, tha Spalletti.

Tutje trajneri italian e ka lavdëruar edhe mbrojtësin e majtë, brazilianin Henrique Dalbert që asistoi tek goli i parë.

“Dalbert është rritur shumë si lojtar dhe tifozët e kanë kuptuar tanimë këtë duke e duartrokitur”.

“Ndaj Cagliarit bëri një ndeshje të madhe, është shumë i shpejtë, lëvizë mirë me topin dhe ka një të majtë të fuqishme si ajo e Roberto Carlosit”, deklaroi Saplletti.

“Lautaro gjithashtu ka pasur një paraqitje të madhe, është i fortë por që është pak egoist”, përfundoi Saplletti.

Ndeshjen e radhës Inter e zhvillon në mesjavë në Ligën e Kampionëve në udhëtim tek PSV, ndërsa në fundjavë do të jetë mysafir i Spal. /Telegrafi/