Southampton kalon në tjetër nivel – bonuset e lojtarëve do të jepen me kriptovaluta

Lojtarët e Southampton thuhet se do të kenë mundësi që bonuset t’u paguhen me Bitcoin si pjesë e një marrëveshje të re sponsorizimi.

The Saints kanë arritur një marrëveshje tre-vjeçare me Coingaming Group, pas një mandati njëvjeçar me kompaninë për të pasur Sportsbet.io në pjesën e përparme të bluzave të tyre në edicionin 2020/21.

Marrëveshja me të thuhet të jetë me vlerë tetë milion euro në vit, duke e bërë atë kontratën më fitimprurëse të sponsorizimit në historinë e klubit.

Dhe sipas The Athletic, një tjetër tipar kryesor i marrëveshjes do të thotë që lojtarët e Southamptonit do të jenë në gjendje të paguhen bonuse të lidhura me performancën në Bitcoin.

Arritjet e tilla si kualifikimi për në Ligën e Kampionëve ose fitimi i një trofeu mund të paguhet për lojtarët tërësisht në kriptovalutë.

David Thomas, zyrtari kryesor komercial i Southampton, tha: “Ekipi në Sportsbet.io ka ndërtuar një biznes të suksesshëm duke sfiduar konventën dhe duke prishur tregun, por në një mënyrë të përgjegjshme, dhe qasja e tyre për partneritetin tonë me ta nuk ka qenë ndryshe”.

Via @JoePompliano: Southampton will now allow it's players to receive their bonuses in bitcoin 🪙 pic.twitter.com/AHLvi4rs1e

— Relevent Sports (@releventsports) April 12, 2021

“Në një kornizë të shkurtër kohore ata kanë dëshmuar të jenë novatorë, largpamës dhe jashtëzakonisht mbështetës të klubit, tifozëve tanë dhe komunitetit më të gjerë, dhe ne e kemi mirëpritur mundësinë për të zhvilluar dhe promovuar së bashku mesazhe të sigurta në baste”.

Mund të jetë një vështrim i madh për të ardhmen. Çmimi i Bitcoin arriti një rekord prej 62,575 dollarë të martën në mëngjes. /Telegrafi/