Në Ipko Superligën e Kosovës sot (e mërkurë) zhvillohen edhe tri ndeshje të vlefshme për javën e 11-të.
Superliga e Kosovës ka filluar të hyjë në fazën e nxehtë tashmë pasi po zhvillohen ndeshjet e fundit të fazës së parë.
Sot (e mërkurë) janë në orar edhe tri ndeshje tjera të javës së 11-të, ku takimi më interesant pritet të zhvillohet në Gjilan.
Gjilani, lider i përbashkët në tabelë me Dritën, e pret në shtëpi Llapin në takimin që do të zhvillohet në stadiumin e qytetit.
Ndeshje interesante pritet të jetë edhe ajo që do të zhvillohet në Riza Lushta të Mitrovicës në mes të Trepçës '89 dhe Ferizajt.
Takimi tjetër dhe i fundit për këtë ditë është ai në mes të Drenicës dhe Dukagjinit që do të zhvillohet në Bajram Aliu të Skenderajt.
Të gjitha ndeshjet pritet të fillojnë nga ora 14:00, ndërsa nesër (e enjte) zhvillohen edhe dy takime tjera: Prishtina-Drita dhe Ballkani-Flamurtari.
/Telegrafi/
