Sot zhvillohen dy ndeshje që pritet të dhurojnë spektakël në 1/8 e Euro 2020

Kampionati Evropian vazhdon edhe sot me dy ndeshje spektakolare, derisa faza 1/8 e finales po dhuron përballje të zjarrte me përmbysje rezultatesh, ndeshje në vazhdime, e madje edhe penalltitë.

Sot (e marte) në orar janë dy ndeshje, njëra që do të fillojë në ora 18:00 dhe tjetra nga 21:00.

Nga mesi i pasdites (18:00), Anglia do të përballet me Gjermaninë, e që natyrisht se është edhe ndeshja kryesore.

❤️🧡💛💚💙💜@HKane will join @DFB_Team's Manuel Neuer in wearing a rainbow captain’s armband for tomorrow’s game at @wembleystadium to mark the end of Pride month, as the #ThreeLions stand in allyship with LGBTQ+ communities around the world. pic.twitter.com/ML8yEnz6Gn

— England (@England) June 28, 2021

Për këtë sfidë, Tre Luanët do të kenë mungesën e Dean Henderson që është i lënduar, derisa në dyshime mbeten Ben Chilwell dhe Mason Mount që janë në vetëizolim.

Në anën tjetër, Gjermania do të ketë mungesën e Lukas Klostermann, derisa në dyshime mbetet Jonas Hofmann.

Framåt gul 💛
Framåt blå 💙
I morgon går vi för vinst 👊#EURO2020 | #SWE pic.twitter.com/fu57sycgeT

— Svensk Fotboll (@svenskfotboll) June 28, 2021

Një tjetër ndeshje që pritet të dhurojë spektakël është edhe ajo në mes të Suedisë e Ukrainës, që fillon nga ora 21:00.

Për këtë takim, suedezët kanë dyshime te Mattias Svanberg, derisa lojtarët kyç janë në dispozicion.

Në anën tjetër, Oleksandr Zubkov dhe Denys Popov, janë dyshimet e ukrainasve.

Ndeshja mes Anglisë dhe Gjermanisë zhvillohet në stadiumin Wembley në Londër, gjersa Suedia dhe Ukraina luajnë në Hampden Park në Glasgou. /Telegrafi/