Von der Leyen ka një lajm të mirë për palestinezët

Një anije me ndihma humanitare do të niset sot për në Gazë, ka njoftuar presidentja e Komisionit Evropian, Ursula von der Leyen.

Anija i përket organizatës bamirëse Open Arms të Spanjës, dhe është pjesë e përpjekjeve për krijimin e një korridori detar humanitar.

Vendimi për nisjen e ndihmave drejt tokave palestineze vjen pas lajmit se Evropa, SHBA-ja, dhe Emiratet e Bashkuara Arabe do të ndihmojnë në krijimin e korridorit detar në Gazë për të dërguar më shumë ndihma nga rajoni, shkruan skynews, përcjell Telegrafi.

Përpjekjet për të rritur në mënyrë dramatike ndihmat po sinjalizojnë zhgënjim në rritje sa i përket sjelljes së Izraelit që nga fillimi i konfliktit izraelito-palestinez.

Ndryshe, SHBA-ja ka konfirmuar se do të ndërtojë edhe një port në det të hapur që të lehtësojë dërgimin e ndihmave.

Von der Leyen tha se Gaza po përballet me një “katastrofë humanitare”, por Evropa “qëndron në krah të civilëve të pafajshëm”.

“Jam shumë e lumtur që sot nis ky operacion”, tha presidentja e Komisionit Evropian. /Telegrafi/

Europe is financing a major humanitarian aid effort for Palestinians.

€250 million euros this year alone.

But the key challenge is getting this aid to people in Gaza.

This is why we’re launching the Cyprus Maritime Corridor, with the US and UAE ↓ https://t.co/mrNBl9WsHb

— Ursula von der Leyen (@vonderleyen) March 8, 2024