Sony Xperia 5 IV ka diçka që shumica e telefonave të mençur tani nuk e kanë

Sony ka prezantuar telefonin e ri të mençur të quajtur Sony Xperia 5 IV. E nëse nuk ka ndonjë prezantim të paplanifikuar, me këtë model Sony do të mbyll prezantimin e telefonave për këtë vit.

Xperia 5 IV është një telefon që e vë në funksion çipi Qualcomm Snapdragon 8 Gen 1, transmeton Telegrafi.

Ai vjen në kombinim me 8 GB RAM memorie dhe 128 GB – përkatësisht 256 GB memorie të brendshme për ruajtjen e të dhënave.

Be creative. Go compact. Introducing Xperia 5 IV.

From fearless portraits to studio-quality recording from the palm of your hand, supercharge your creator experiences with Xperia 5 IV.#Sony #Xperia #SonyXperia #Xperia5IV #ProductAnnouncement

— Sony | Xperia (@sonyxperia) September 1, 2022

Aty është edhe hapësira për kartelën microSD, që është për t’u habitur për faktin se shumica e konkurentëve prej kohësh e kanë larguar një të tillë.

Në të gjendet edhe porti prej 3.5 mm për kufje që i posedon ky telefon i mençur.

Telefoni posedon ekran 6.1—inç OLED me rezolucion 1080 x 2520 pikselë, me frekuencë freskimi prej 120 Hz. Ekrani është për 50 për qind më i shndritshëm nga modeli i mëparshëm.

Xperia 5 JV posedon bateri me kapacitet prej 5000 mAh, si dhe mbushësin e shpejtë prej 30 Ë. Nga Sony kanë bërë të ditur se 50 për qind e kapacitetit të baterisë do të mbushet për 30 minuta – ku bateria ka një garancion prej tre vitesh.

Megjithatë, mbushësi, e madje edhe kablloja USB nuk janë pjesë e paketimit të telefonit. Ajo çfarë po shihet si veprim pozitiv është se telefon mund të mbushet edhe pa tela.

Telefoni në pjesën e pasme ka tre sensorë kamerash – sensori kryesor është prej 12 MP f/1.7 sensorë këndgjerë prej 12 MP f/2.2 dhe sensorin telephoto prej 12 MP f/2.4 që janë të prodhuar nga ZEISS.

Ky telefon do të arrijë në treg kah mesi i këtij muaji, e qmimi i Sony Xperia 5 IV është 1.049 euro në tregun evropian. Do të jetë i disponueshëm në tri ngjyura- të zezë, gjelbër dhe bardhë. /Telegrafi/