Skena dhune në Spanjë: Po derdhet gjak për shkak referendumit në Kataloni (Video)

Referendumi i pavarësisë në Katalonjë rrëshqiti shumë shpejt në kaos, pas mësymjes së qendrave të votimit nga policia, e përleshjeve të dhunshme me njerëzit e mbledhur përpara tyre.

Dëshimtarë okularë thonë se forcat e rendit qëlluan me plumba gome mbi tubuesit, përpara një qendre në Barcelonë. Deri në mesditë, sipas autoriteteve rajonale kanë marrë trajtim mjekësor të paktën 38 persona të plagosur.

Dhuna nuk vonoi të shpërthente, edhe pse organizatorët e referendumit kishin bërë thirrje për rezistencë paqësore ndaj çdo veprimi të policisë. Kjo e fundit po përpiqet me çdo kusht të bllokojë procesin.

Në qendrën ku voton presidenti katalanas, Carles Puigdemont, efektivët përdoren çekiçët për të këputur drynët, ndërsa jashtë shpërthyen përleshje të ashpra mes policëve dhe qytetarëve që prisnin për të votuar. Puigdemont arriti ta hedhë votën e tij, ndërsa foli “për agresion pa dallim” kundër atyre që tentuan të përcillnin vullnetin e vet.

“Përdorimi i papërgjegjshëm dhe i pajustifikuar i dhunës nga shteti spanjoll nuk e minon dot dëshirën e popullit katalanas për një votë paqësore dhe demokratike. Ai vetëm sa e sqaron edhe më shumë situatën, në sytë e personave që ende ushqenin dyshime dhe në sytë e të gjithë botës, se çfarë është në lojë në një ditë si kjo. Dhunë, shkopinj e plumba gome, agresion kundër njerëzve të mbledhur qetësisht për të mbrojtur kutitë, fletët dhe qendrat e tyre të votimit”, tha Carles Puigdemont, presidenti i Katalonjës.

Madridi zyrtar ishte zotuar ta bllokonte votimin e shpallur të paligjshëm nga Gjykata Kushtetuese e vendit, e duket i vendosur ta vërë në jetë me çdo kusht angazhimin e tij. Për këtë arsye, Garda Civile ka mësyrë qendrën e IT-së të qeverisë rajonale, duke sekuestruar sistemin elektronik të votave.

Katalunja e pasur, me 7.5 milionë banorë, ka gjuhën dhe kulturën e vet, si dhe një nivel të lartë autonomie, por në bazë të Kushtetutës spanjolle nuk njihet si komb më vete. Përpara se të çeleshin qendrat e votimit, qeveria katalanase i kishte sqaruar zgjedhësit se mund t’i printonin vet fletët e votimit që përmbanin vetëm një pyetje, e se mund t’i hidhnin në çdo qendër tjetër nëqoftëse do të mbyllej ajo që u ishte paracaktuar.

Spain democracy? #CatalanReferendum #10TVE3 #democracyrights pic.twitter.com/A7YiA9pKsm

— Wen (@WenSole) October 1, 2017

Police at Carrer de Pau Claris have taken voting boxes and ballots. Now driving off. They were willing to use force, it turns out. @FT pic.twitter.com/2p5T6o19JF

— Michael Stothard (@MStothard) October 1, 2017