Skautët e Chelseat po e shikonin, ai po qëndronte në top – pastaj filloi çmenduria

Millionarios mposhtën 2-0 Santa Fe-n në xhiron e 17-të të kampionatit kolumbian. Shënuesë për vendasit ishin Luis Marimon dhe Kevin Palacios.

Asistent për golin e dytë ishte Neyser Villarreal, sulmuesi 19-vjeçar i cili ka bërë 13 paraqitje dhe ka dhënë dy asistime për ekipin e parë, ndërsa ka shënuar dhjetë gola në 14 ndeshje për kombëtaren kolumbiane U-20.

Villarreal tërhoqi vëmendjen në turneun e Amerikës së Jugut për futbollistët e rinj, ku ishte golashënuesi më i mirë me tetë gola dhe katër asistime. The Sun raporton  se Porto, Watford, Inter Miami dhe Chelsea janë klubet më të famshme mes tyre.

Gjigantët e Londrës dërguan kryeskautin e tyre në ndeshjen Millionarios-Santa Fe për të parë vetë aftësitë e Villarrealit, zbulon The Sun. Megjithatë, ai tërhoqi vëmendjen duke vendosur të dyja këmbët në top në minutën e 77-të.

Lexo po ashtu Zbulohet plani i transferimeve nga Chelsea para Kupës së Botës për Klube

Gjyqtari i ndeshjes i dha një karton të verdhë për provokim të kundërshtarit, pas së cilës në fushë filloi kaos. Lojtarët e Santa Fe-s e kanë ndjekur nëpër fushë, ndërsa bashkëlojtarët e kanë mbrojtur. The Sun përshkruan sesi Villarreali shkëlqen me driblime dhe gjuajtje, si dhe me eksplozivitet, ndërsa pasimi i fundit, që çon në gola, mbetet pika e dobët e tyre.

Kontrata e tij skadon në fund të sezonit, kur ai do të mund të ndryshojë klubin pa kompensim. /Telegrafi/