Skandali i shfrytëzimit të BIA-së serbe nga shërbimet sekrete ruse, kërkohet dorëheqja e Aleksandar Vulinit

Aktivisti për të drejtat e njeriut Milan Antonijeviq ka reaguar pas zbulimit të skandalit të ministrit të Punëve të Brendshme të Serbisë, Aleksandar Vulin ku ky i fundit i dorëzoi Moskës regjistrimet sekrete të opozitarëve rusë, pas së cilës ata u arrestuan.

Antonijeviq me anë të në shkrimi në Twitter, ka kërkuar dorëheqjen e tij.

“A ka Serbia shërbim sigurie apo është e gjitha si djathi zviceran tani? Vulin i dorëzoi Moskës regjistrimet sekrete të opozitarëve rusë, pas së cilës ata u arrestuan. Nëse kjo është e vërtetë, dorëheqja e Vulin menjëherë!”, ka shkruar ai.

Ima li Srbija brzbednosne službe ili je to sve sada kao švajcarski sir? Vulin predao Moskvi tajne snimke ruskih opozicionara poslije kojih su uhapšeni. Ukoliko je ovo tačno, ostavka Vulina odmah! – CdM https://t.co/V0k9EgFQoY

— Milan Antonijević (@AntonMilan) December 10, 2021

Ky skandal i Vulin ka nxitur reagime të mëdha edhe nga aktivistë tjerë të drejtave të njeriut dhe opozitarë serb.

Për më tepër disa ditë pas zbulimit të këtij skandali në media, Vulin u mundua që të zhvendoste vëmendjen e opinionit publik nga ky skandal me deklarata kundër Masakrës së Reçakut, gjë për të cilën ai pranoi kritika nga SHBA, Bashkimi Evropian dhe aktivistë të shumtë në Serbi.

Ditë më parë, Vulin gjatë një takimi me sekretarin rus të Sigurisë Kombëtare, Nikolai Patrushev i ka dorëzuar atij video të takimeve të liderëve të opozitës ruse në Beograd, pas të cilave është arrestuar opozitari dhe aktivisti rus Andrei Pivovarov.

Lexo po ashtu Aleksandar Vulin dhe BIA serbe po bashkëpunojnë me shërbimet sekrete të Kremlinit për të shtypur opozitën në Serbi dhe Rusi

Këto informacione janë siguruar nga Agjencia e Informacionit të Sigurisë (BIA).

Derisa i gjithë opinioni demokratik në Rusi është tmerruar me faktin se qeveria serbe po e spiunon opozitën ruse për të ruajtur favorin e Moskës, ministri Vulin nuk po flet me këtë rast. /Telegrafi/