Sipas këtij modeli do të mbulohen targat e Kosovës gjatë kalimit nëpër Serbi (Foto)

Ministrja për Dialog, Edita Tahiri, ka njoftuar se më në fund është arritur marrëveshje në mes Kosovës dhe Beogradit për reciprocitet të plotë për targat e veturave.

Lexo po ashtu Arrihet reciprociteti për tabelat e veturave në mes të Kosovës dhe Serbisë, sipas modelit të aplikuar mes Greqisë dhe Maqedonisë

Marrëveshja përfshin heqjen nga përdorimi të tabelave “prova” të cilat njëanshëm zbatoheshin nga pala Serbe që nga viti 2011, ndërsa modeli që do të aplikohet bazohet në modelin e aplikuar në mes të Greqisë dhe Maqedonisë.

Për shkak të mosmarrëveshjeve me emrin e shtetit të Maqedonisë, ishte arritur një marrëveshje e përkohshme në vitin 1995 në mes dy shteteve, nën mbikëqyrjen e Kombeve të Bashkuara, ku Greqia ka të drejtë që veturat me targa “MK” t’i mbulojë me anë të një mbështjellësi ku shkruan: “E njohur nga Greqia si FYROM (Ish-Republika Jugosllave e Maqedonisë)”, në anglisht dhe greqisht.

Sipas Tahirit, diçka e ngjashme do të përdoret edhe në rastin Kosovë-Serbi: autoritetet serbe do të përdorin ndonjë mbështjellës që mbulon shkronjat RKS dhe që tregon qëndrimin e Serbisë karshi statusit të Kosovës. /Klan Kosova/