Simovski: Gjithmonë ka reagime, shifrat nga regjistrimi janë reale

Tani jam shumë krenar dhe i lumtur që më në fund pas 20 vitesh publikojmë të dhënat e regjistrimit, sipas të cilave do të ndërtojmë të ardhmen e vendit. Gjithmonë ka reagime. Fatkeqësisht, në këtë vend ka shumë ekspertë për gjithçka, për situatën politike, për shëndetësinë, madje edhe për analistë ushtarakë dhe gjithë kohës janë të njëjtit njerëz, tha drejtori i Entit Shtetëror për Statistika, Apostol Simovski, për reagimet e opinionit pas publikimit të rezultateve të sotshme të regjistrimit., përcjell Telegrafi Maqedoni.

Simovski thotë se plotësisht qëndron prapa shifrave nga regjistrimi.

“Nëse do të kishte një problem të vogël për respektimin e standardeve, unë nuk do të isha pjesë e këtij institucioni për një kohë të gjatë dhe do të kisha dhënë dorëheqjen, sepse synimi ishte kryerja e një regjistrimi cilësor. Kam qenë një statistikës për më shumë se 30 vjet. Ne kemi tregues realë.

Qëllimi nuk është të tregohen gjendjet e dëshiruara, por ashtu siç janë. Nëse nuk janë të mira, duhet të bëjmë përpjekje që të ndërtojmë politika realiste dhe gjëra më të mira”, tha Simovski në emisionin “Samo Vistina”./Telegrafi/

Lexo po ashtu Shpallen rezultatet e regjistrimit, 29.52% e popullsisë në Maqedoni janë shqiptarë