Simeone shpreson që Suarez ta bëjë diferencën ndaj Chelseat

Diego Simeone shpreson që Luis Suarez do ta përdorë dhuntinë për të shënuar gola në ndeshjen e sotme (e martë), në të cilën Atletico Madridi përballet me Chelsean në kuadër të Ligës së Kampionëve.

Suarez është duke kaluar një sezon fantastik me Los Rojiblancos, ku ka regjistruar 16 gola në 24 paraqitje që prej transferimit nga Barcelona.

“Për të gjitha garat, jo vetëm në Ligën e Kampionëve, prezenca e Luis Suarez i jep besim skuadrës tonë, dhe pa dyshim që edhe rivali do të kushtojë më shumë rëndësi, sepse e tregon dhe vetë historia se çfarë dhuntie për gola ka ai, është një golashënues me një lidhje të fortë me golin”.

“Kështu, shpresoj që do të luajmë një ndeshje të mirë si ekip. Dhe insistoj për Chelsean, që është një skuadër tejet e mirë, dhe trajneri i ri, i cili është shumë i mirë, është duke e bërë Chelsean të luaj edhe më mirë”, ka deklaruar Simeone në një konferencë për media.

Lexo po ashtu Atletico dhe Chelsea në duelin e parë – formacionet e mundshme

Për shkak të protokollit antiCOVID-19, ndeshja e parë e kësaj xhiroje do të zhvillohet në National Arena në Bukuresht të Rumanisë.

Simeone duket se është i vetëdijshëm që Chelsea është e pamposhtur në shtatë ndeshjet e fundit që prej ardhjes së trajnerit Thomas Tuchel – transmeton KP.

“Ne i respektojmë të gjitha mendimet dhe i dëgjojmë të gjithë, por do të përballemi me një skuadër të fortë, dhe gjasat janë të barabarta. Jam që shumë kohë tek Atletico dhe të gjithë ju e dini se si punojmë ndeshje pas ndeshje dhe e përfundojmë punën tonë”, ka theksuar strategu argjentinas.

🗣"In all competitions. not just Champions League, Luis Suarez's presence alone generates confidence within our team"

Atletico Madrid boss Diego Simeone is hoping his inform striker Luis Suarez can make the difference against Chelsea in the UCL pic.twitter.com/KfHpIYqX87

— Football Daily (@footballdaily) February 23, 2021