Si ta ndihmojmë veten nëse ndjehemi të deprimuar?

Menaxhimi i gjendjes depresive është një proces që kërkon qasje të shumëfishta

Shkruan: Edona Llonçari

Ja disa hapa dhe strategji që mund të ndihmojnë:

1. Terapia pa-medikamente: Terapitë holistike dhe teknika NLP mund të ndihmojnë në ndryshimin e mendimeve negative dhe sjelljeve që kontribuojnë në depresion. Startoni mëngjesin me afirmime pozitive, me falënderime për gjërat të cilat funksionojnë në jetën tuaj. Afirmimet pozitive dhe urimet e rregullta ngrisin motivin dhe ndihmojnë në ri-programinin e mendimeve tona.

2. Konsultimi me një profesionist: Nëse nuk arrini dot të vet-ndihmoheni me praktika dhe teknika siç janë: NLP (Programimi Neuro-Linguistik), meditimi, afirmimet, falënderimet, vizializimi, aktiviteti sportiv, etj., është shumë e rëndësishme të flisni me një psikolog, psikiatër ose terapist. Ata mund të ofrojnë diagnozë të saktë dhe trajtim të përshtatshëm.

3. Medikamentet: Në disa raste, mjeku mund të rekomandojë përdorimin e antidepresivëve për të ndihmuar në menaxhimin e simptomave (medikamentet duhet të jenë alternativa e fundit)

4. Mbështetja sociale: Flisni me miqtë dhe familjen për ndjenjat tuaja. Mbështetja sociale është shumë e rëndësishme.

5. Aktiviteti fizik: Ushtrimi rregullisht mund të ndihmojë në përmirësimin e humorit dhe reduktimin e simptomave të depresionit.

6. Ushqimi i shëndetshëm: Një dietë e balancuar, e pasur me fruta, perime, proteina mund të ndihmojë në përmirësimin e shëndetit mendor. Ushqimi ndikon tek zorrët tona, e zorrët janë truri i dytë i trupit ; truri i kokës dhe truri i barkut (zorrët) komunikojnë dhe punojnë së bashku, andaj kujdesuni me zgjidhjet ushqimore që bëni.

7. Mësoni teknika të relaksimit: Meditimi, joga, dhe praktikat e frymëmarrjes mund të ndihmojnë në uljen e stresit dhe ankthit.

8. Vendosni qëllime të arritshme: Vendosni qëllime të vogla dhe të realizueshme për çdo ditë për të ndihmuar veten të ndiheni mirë dhe krenar me vetën tuaj. Mund të jetë ecja e përditshme që bëni në mëngjes, edhe nëse është për vetëm 20 minuta, bëje rutine dhe shiko benefitet.

9. Bëjani qefin vetës: Merrni kohë për aktivitete që ju pëlqejnë dhe që ju bëjnë të ndiheni mirë.

10. Informohuni: Mësoni më shumë rreth depresionit dhe mënyrave për ta menaxhuar atë. Informimi mund t’ju ndihmojë ta kuptoni më mirë vetën, që ta ndihmoni vetën.

Është e rëndësishme të theksohet se çdo person është unik, dhe strategjitë që funksionojnë për një individ mund të mos funksionojnë për një tjetër. Prandaj, është thelbësore të kërkoni ndihmë profesionale dhe të zhvilloni një plan trajtimi që është i përshtatshëm për ju, në qoftë se keni provuar të vet-ndihmoheni dhe nuk ja dilni dot. /Telegrafi/