Si planifikojnë Zhang dhe Suning të shmangin shitjen e Interit

Steven Zhang nuk dëshiron ta lërë Interin dhe aktualisht po studion një plan për të shmangur detyrimin për të shitur klubin.

Mediumi Il Sole 24 Ore jep detaje se si presidenti i Nerazzurrëve tani po eksploron një mënyrë për të ri-financuar borxhin me Oaktree, diçka që mbart një normë interesi prej rreth 12%. Është një borxh i varur, diçka që quhet financim HoldCo.

Në maj të 2021, Oaktree i dha hua rreth 275 milionë euro Grand Tower Sarl me qendër në Luksemburg, një nga kompanitë mbajtëse që familja Zhang përdor për të kontrolluar Interin.

Kjo ishte një kredi e tipit ‘payment-in-Kind’, ku interesi do të shlyhet plotësisht në fund, i akumuluar ndër vite. Kur borxhi të përfundojë në maj të 2024, familja Zhang do të duhet të paguajë rreth 350 milionë euro në fondin amerikan.

#Zhang non molla, ecco il piano B per tenersi l’#Inter #Suning #Oaktree https://t.co/aUemDIo22M

— calciomercato.com (@cmdotcom) November 4, 2022

Nëse kjo nuk ndodh, fondi kalifornian mund të bëhet pronar i ri i Interit, ngjashëm me atë që ndodhi me Elliott dhe ish-pronarin e Milanit, Yonghong Li.

Zhang tani po eksploron një mënyrë për të ri-financuar borxhin, duke punuar ngushtë me Goldman Sachs dhe Raine Group, duke vlerësuar të gjitha mundësitë.

Opsionet në këtë fazë variojnë nga shitja e një pakice aksionesh te një partner i ri ose shitja e klubit plotësisht, e cila vlerësohet në rreth 1.2 miliardë euro. /Telegrafi/