Si ndikon coronavirusi në të gjithë trupin?

Coronavirusi dëmton jo vetëm mushkëritë, por edhe veshkat, mëlçinë, zemrën, lëkurën, trurin dhe sistemin nervor, thanë mjekët të premten në një përmbledhje të raporteve për pacientëT COVID-19

Ekipi në Qendrën Mjekësore Universitare Columbia Irving në New York City, një nga spitalet e “përmbytur” me pacientë në pranverë, mblodhi raporte nga ekipe të tjera mjekësore në mbarë botën.

Patologu gjeti mpiksjen e gjakut në ‘pothuajse çdo organ’ gjatë autopsive te pacientët Covid-19

Fotografia e tyre gjithëpërfshirëse tregon sulmet e koronavirusit praktikisht në çdo sistem madhor në trupin e njeriut, duke dëmtuar drejtpërdrejt organet dhe duke shkaktuar mpiksjen e gjakut, humbjen e ritmit të zemrës, gjakderdhje në veshka dhe skuqje të lëkurës. Shkakton dhimbje koke, marramendje, dhimbje të muskujve, dhimbje në stomak dhe simptoma të tjera së bashku me simptoma klasike të frymëmarrjes si kollitja dhe ethe.

“Këto gjetje sugjerojnë se dëmtimi i shumëfishtë i organeve mund të ndodhë të paktën pjesërisht për shkak të dëmtimit të drejtpërdrejtë të indeve virale,” shkruajti ekipi.

Infeksioni koronavirus aktivizon edhe sistemin imunitar. Një pjesë e kësaj përgjigje përfshin prodhimin e proteinave inflamatore të quajtura citokina.

Ky inflamacion mund të dëmtojë qelizat dhe organet dhe e ashtuquajtura stuhi e citokinës është një nga shkaqet e simptomave të rënda.

Covid-19 shkakton goditje të papritura tek të rinjtë, thonë mjekët

“Ky virus është i pazakontë dhe është e vështirë të mos bësh një hap prapa dhe të mos mahnitesh nga sa shumë manifestime ka në trupin e njeriut,”- tha Dr. Mahesh Madhavan.

Efektet e koagulimit të gjakut duket se janë shkaktuar nga disa mekanizma të ndryshëm: dëmtimi i drejtpërdrejtë i qelizave që gjenden në enët e gjakut dhe ndërhyrja në mekanizmat e ndryshëm të mpiksjes në vetë gjakun. Oksigjeni i ulët në gjak i shkaktuar nga pneumonia, mund të bëjë që gjaku të mpikset, thanë studiuesit.

Këto mpiksje mund të shkaktojnë goditje dhe sulme në zemër ose mund të qëndrojnë në mushkëri ose këmbë. Ato bllokojnë veshkat dhe ndërhyjnë në trajtimet e dializës të nevojshme për pacientët më të sëmurë.

Dëmtimi i pankreasit mund të përkeqësojë diabetin, dhe pacientët me diabet janë më të rrezikuarit nga koronavirusi.

Virusi mund të dëmtojë drejtpërdrejt trurin, por disa prej efekteve neurologjike ka të ngjarë të vijnë nga trajtimi.

“Pacientët COVID-19 mund të intubohen për dy deri në tre javë; një çerek kërkojnë ventilatorë për 30 ose më shumë ditë,”- tha Dr. Aakriti Gupta.

Virusi ndikon në sistemin imunitar, duke varfëruar qelizat T që trupi vendos zakonisht për të luftuar infeksionet virale.

Ka disa lajme të mira

“Simptomat gastrointestinale mund të shoqërohen me një kohëzgjatje më të gjatë të sëmundjes, por nuk janë shoqëruar me vdekshmëri të rritur”,- kanë shkruar studiuesit. Shumë nga efektet e lëkurës, gjithashtu, pastrohen vetë. /CNN/Class