Si ndikojnë ndryshimet e trupit në libidonë

Humbja e libidosë tek femrat nuk është e kushtëzuar me hormonet, por me problemet me vetërespektin dhe dëshirën për kënaqje seksuale, ka zbuluar ekipi i ekspertëve të Universitetit Pen në SHBA.

Pjesëmarrëset në hulumtim kanë theksuar që nuk janë të kënaqura me trupin e tyre, për ç’shkak në masë të konsiderueshme u ka rënë dëshira seksuale, transmeton Telegrafi.

Por edhe kur do të bënin dashuri, shumica ka deklaruar që nuk ka qenë e kënaqur as nga aspekti fiziologjik, as nga ai psikologjik.

Nëse në trup ka celulit të konsiderueshëm, nëse stomaku u është më i madh se sa para disa ditëve, nëse në fytyrë janë shfaqur rrudha të reja, femra nuk do t’i pëlqejë vetvetes për ç’shkak do të fillojë të ndihet jotërheqëse.

Kjo do të ketë pasoja në rënien e dëshirës seksuale.

E tërë çështja më shumë nuk është e lidhur me vetëdijen që sisët kanë humbur elasticitetin, që vithet janë lëshuar, ndërsa në kofshë po grumbullohen shtresa yndyrore, por me ndryshimet hormonale që kanë të bëjnë me menopauzën.

Sipas hulumtimeve të mëhershme, femrat mesatarisht në ditë shikohen 38 herë, ndërsa gati tetë nga 10 femra janë të pakënaqura me pamjen në pasqyrë.

Pas shikimit 10 minutash të reflektimit tonë në pasqyrë njerëzit bëhen gjithnjë më nervoz dhe më të pakënaqur me atë që shohin. /Telegrafi/