“Shtypi i lirë – faktor kyç në zhvillimin e një shoqërie demokratike”

Me rastin e 3 Majit-Ditës ndërkombëtare të lirisë së medias, Fakulteti i Gjuhëve, Kulturave dhe Komunikimit (departamenti i Shkencave të Komunikimit) i Universitetit të Evropës Juglindore, organizoi panel diskutimi në temën “Shtypi i lirë – faktor kyç në zhvillimin e një shoqërie demokratike”.

Ky organizim u bë si një mundësi për të tërhequr vëmendjen për rolin e rëndësishëm që ka shtypi i lirë dhe i paanshëm në një shoqëri demokratike.Në këtë diskutim ishin prezent studentë dhe profesorë të universitetit si dhe 4 gazetarë apo opinionistë të cilët patën rastin të mbajnë fjalime të tyre duke shprehur ide dhe informacione rreth temës në diskutim, njofton Telegrafi Maqedoni.

Ata ishin të mendimit se në Maqedoni ende nuk ekziston plotësisht liria e të shprehurit të mediave.

Kam mendimin se në Maqedoni mediat janë kthyer në plotësues të dëshirave të publikut, në vend që ne të bëheshim ato që do t’u tregojmë se ç’farë është etike, ç’farë është morale dhe ç’farë është gazetari e vërtet qytetarëve, ne japim atë që kërkojnë qytetarët.Ky ndoshta është ai gabimi që ne në këtë mënyrë mundohemi të rrisim shikueshmërinë e të dukemi më atraktivë duke ofruar atë që është e modës edhe pse jo gjithmonë është morale.- flet gazetarja e radio televizionit të Maqedonisë, Migena Gorenca.

Mendimit të saj iu bashkëngjit edhe gazetari Sasho Ordanoski i cili tha sot procesi gazetaresk është në një krizë të thellë, me identitetin e vetë së pari dhe me atë se si e pranon publiku.Sot nëse shkruan një lajm për Kim Kardashian do marrë më shumë klikime dhe do ketë më shumë shikueshmëri se sa për zgjedhjet presidenciale.

Fjalimit nuk i munguan edhe rektori i Universitetit të Evropës Juglindore Abdylmenaf Bexheti, kryeredaktori i TV Shenja, Ismail Sinani, zëvendësdrejtori i Radio Televizionit të Maqedonisë, Harun Ibrahimi./Aroma Aliti/Telegrafi/