“Shtrëngoje, s’kam fuqi”, Rizarta shpjegon videon virale me Aldon në krevat

Ish-banorja e Big Brother VIP Albania, Rizarta, ishte e eliminuara e dytë gjatë spektaklit të së shtunës.

Megjithatë, para daljes së saj nga shtëpia, një video me Aldon, ku të dy shiheshin në krevat, u bë virale dhe shkaktoi reagime të shumta nga publiku.

Në këtë video, dëgjohen Aldo dhe Rizarta duke biseduar, dhe një frazë e shkëmbyer mes tyre mori vëmendjen e shikuesve.

Aldo i drejtohet Rizartës me fjalët: “Shtrëngoje pak”, ndërsa ajo i përgjigjet: “S’kam fuqi”.

Kjo skenë u interpretua ndryshe nga disa ndjekës, të cilët aluduan për një situatë me nënkuptime të tjera.

Lexo po ashtu “Shtrëngoje pak”, moment intim mes Aldos dhe Rizartës?

Pas daljes nga BBVA, Rizarta u ftua në emisionin Fun Club, ku vendosi të sqarojë këtë situatë. Ajo tha se biseda e tyre nuk kishte asnjë kuptim të fshehtë dhe se ishte keqinterpretuar nga publiku.

“Ishte një moment krejt i zakonshëm, por që u keqkuptua. Po flisnim për muskujt e barkut dhe Aldo më tha të shtrëngoja barkun. Unë i thashë se nuk kisha fuqi për ta bërë”, tha ajo.

Pavarësisht zhurmës që shkaktoi videoja në rrjetet sociale, Rizarta sqaroi se nuk ka pasur asgjë përtej një bisede spontane mes saj dhe Aldos dhe se ndien keqardhje që publiku e ka interpretuar ndryshe. /Telegrafi/