Shtip: Pesë veta kanë mashtruar persona në “Facebook”, ua kanë marrë të dhënat dhe kanë fituar kredi

SPB Shtip ka parashtruar kallëzim penale kundër P.S.(30) nga Struga, P.T.(41) nga Sveti Nikollë, D.S.(35) nga Kriva Pallanka, S.T.(61) dhe I.E.(40) nga Sveti Nikolla, për shkak të ekzistimit të dyshimit se kanë kryer veprën penale “mashtrim”.

“Të denoncuarit, gjatë periudhës prej dhjetor 2020 deri shkurt 2021, kanë realizuar kontakt me tre persona nga Shtipi, Strumica dhe Probishtipi, duke përdorur profile të rrejshme në “Facebook”, dhe pasi kanë mësuar të dhënat e tyre personale, i kanë shfrytëzuar për të fituar kredi të shpejtë nëpërmjet aplikimi elektronik në shoqata financiare”.

“Të dëmtuarit janë mashtruar, duke u thënë se paratë të cilat pas miratimit të kredisë, u janë transferuar në konto, si gjoja ndihmë nga kushërinjtë e të paraqitur për mjekim të një fëmije të sëmur, të cilat mjete parash të dëmtuarit me shkesë të të denoncuarit i kanë tërhequr nga kontot, kurse më pas i kanë porositur nëpërmjet personave të cilët kanë qenë të angazhuar paraprakisht. Në këtë mënyrë, ata kanë arritur pasuri në vlerë prej 342.000 denarë”, thuhet mes të tjerash në njoftimin e Ministrisë së Punëve të Brendshme.