Shtëpi pushimi moderne të parezistueshme

Ju prezantojmë vilat simpatike për familjen apo miqtë e gjerë që duan të kalojnë kohë së bashku në natyrë dhe në të njëjtën kohë të kenë intimitetin e tyre

Vilat ofrojnë gjithçka që ju nevojitet për jetën, por edhe diçka ekstra për relaksim të plotë, transmeton Telegrafi.

I quajtur Ziedlejas, kompleksi i vilave ndodhet në një vend të izoluar me një liqen privat në një pjesë rurale të Letonisë. Sipas kuptimit modern, ato janë konceptuar si katër kabina mysafirësh, prej çeliku dhe xhami.

Në të njëjtën parcelë ka një pjesë për sauna dhe masazh si një zonë të veçantë. Ndërtesa është e ndërtuar me dru bredhi dhe është futur në shpat për të shmangur pengimin e pamjes nga kabinat e miqve.

Koncepti i i eksterierit dhe i enterierit bazohen në burimet lokale të materialeve natyrore si druri, bimët dhe liri. Thuhet se kjo sauna ka veti të veçanta kuruese.

Në kuadër të këtij ambienti relaksimi ka edhe një dhomë të përbashkët për qëndrimin e qiramarrësve në rast se kushtet e motit janë të pafavorshme.

Dhomat janë projektuar të jenë multifunksionale me një shtrat modular që mund të ngrihet gjatë ditës, ndërsa një tavolinë ngrihet nga dyshemeja. Pjesa e përparme prej xhami siguron një pamje të paprekur të peizazhit dhe yjeve gjatë natës, për të krijuar iluzionin e gjumit në qiell të hapur.

Historia e Ziedlejas ka të bëjë me ruajtjen e trashëgimisë letoneze, por nuk ka frikë të vazhdojë me kohën. Është dhe do të jetë një vend për të fituar një ndjenjë të shpirtit lokal dhe një kuptim të mënyrave lokale.

Mysafirët këtu mund të mësojnë për traditën dhe folklorin, të rilidhen me natyrën, të gjejnë frymëzim dhe të mbledhin forcë, të gjitha me gëzime të përbashkëta me të dashurit.

Plani i shtëpisë

Sipërfaqja e një shtëpie: 24m2

/Telegrafi/