Shpërthim në një gazsjellës, e gjithë Siria mbetet pa energji elektrike – dyshohet për një akt terrorist

Një sulm i mundshëm në një tubacion në Siri shkaktoi një ndërprerje mbarëkombëtare të energjisë elektrike brenda natës, ka bërë të ditur agjencia shtetërore e lajmeve, duke cituar të kenë thënë autoritetet.

Sipas agjencisë së lajmeve SANA, shkruan The Guardian, ministri i energjisë, Mohammad Kharboutli, tha se një shpërthim në një tubacion në zonën e Damaskut natën e së dielës “çoi në një ndërprerje të energjisë elektrike në të gjithë Sirinë”.

Ministri tha se shpërthimi ndodhi midis periferive të Al-Dhumayr dhe Adra dhe shkaktoi një rënie të furnizimit me gaz në stacionet e energjisë, përcjell Telegrafi.

Disa stacione energjetike u lidhën përfundimisht dhe energjia iu ofruar infrastrukturës vitale, tha ai, duke shtuar se deri në agim energjia elektrike po kthehej gradualisht në disa provinca.

Ministri i naftës, Ali Ghanem, tha se shpërthimi në tubacionin kryesor që furnizon jugun e Sirisë “mund të jetë shkaktuar nga një akt terrorist” por ai nuk dha detaje të tjera. /Telegrafi/