Shpërthim i kontrolluar, në Indi shemben kullat 103 metërshe – brenda 15 sekondash “zhduken”

Në afërsi të Delhit në Indi, sot është kryer shpërthimi i kontrolluar ku si pasojë u shembën dy kulla me lartësi prej 103 metra, që paraqet ndërtimin më të lartë që ndonjëherë është shembur në Indi.

“Binjakët indianë” siç raportojnë mediat e atjeshme që i quajnë këto ndërtesa të shembura, ka ndodhur me vendim të gjykatës së Indisë të marrë gjatë vitit të kaluar, ku u konstatua se investitorët kanë shkelur disa rregulla dhe obligime gjatë ndërtimit të tyre, transmeton Telegrafi.

Pak para shpërthimit, policia indiane dhe mbrojtja civile ka kryer evakuimin e mijëra banorëve të ndërtesave përreth, ku më pas janë urdhëruar që të mos kthehen në pronat e tyre pas orë pas shpërthimit.

Noida Twin Towers demolished.#TwinTower #Demolition @ShivAroor #Noida pic.twitter.com/V45mcpw6L7

— IndiaToday (@IndiaToday) August 28, 2022

Edhe pse më herët në Indi ishin hedhur në erë objekte gjigante, kësaj radhe shpërthimi ka qenë më sfidues për faktin se ndërtesat përreth gjendeshin nëntë metra larg kullave.

Gjithashtu kullat gjendeshin shumë pranë autostradës që frekuentohet nga mijëra banorë. Shpërthimi ka zgjatur vetëm 15 sekonda, e për shembjen e tyre janë përdorur 3.700 kilogramë eksplozivë. /Telegrafi/