Shpërthen Agnelli: Kjo është padrejtësi ndaj futbollit italian

Presidenti i Juventusit, Andrea Agnelli, është shprehur tejet i frustruar pas ndeshjes së dytë çerekfinale të zhvilluar në Santiago Bernabeu.

Real Madridi triumfoi me rezultat 3-0 në ndeshjen e parë.

Por, ajo paraqitje u zhvleftësua nga një Juventus fantastik në Madrid që rikuperoi gjithçka duke qenë në avantazh 3-0 deri në minutën e fundit të shtesës kur gjyqtari Oliver në mënyrë kontroverse akordoi një penalti të cilën e ekzekutoi me përpikëri Ronaldo.

“Ne duhet të mbesim të qetë dhe të analizojmë situatën. Shoh një seri të vendeve që kanë implementuar VAR-in dhe kam parë incidente që kanë shkuar kundër klubeve italiane siç ishte ndërhyrja në Cuadradon, Milani te Arsenali dhe Juve sonte, që dëshmon se VAR-i është i nevojshëm në Ligën e Kampionëve”.

Lexo po ashtu Të gjitha lajmet për Juventusin

“Nuk është kjo për një pikë ose dy, po flasim për kualifikim tutje në një garë që sjellë para dhe prestigj, ne nuk mund të lejojmë shfaqjen e incidenteve të tilla”.

“Për një ose tjetër arsye, ai që i cakton këtë këta gjqytarë op tenton të dëshmojë se ai po cakton gjyqtarë kundër klubeve itailane”.

“Nuk është vetëm Juventusi, por Roma ka pasur penalti të mohuara ndaj Barcelonës, Milani u eleminua nga Arsenali kështu. Nëse është problem teknik i UEFA-s dhe s’ka gjyqtarë të mirë, atëherë ne jemi në gjendje që t’i trajnojmë”.

“Lojtarët bëjnë gabime, kështu edhe gjyqtarët, por ky gjyqtar totalisht e ka humbur kontrollin e situatës. Gjyqtari sonte ishte në kaos total. Është e dëmshme pas kësaj performance të djemve, ne konfirmuam ashtu si PSG sezonin e kaluar dhe Roma mbrëmjen e kaluar, jemi në gjendje që të kthehemi nga një deficit prej 3-0”.

“Incidente ndodhin, por gjyqtari nuk e ka kuptuar atë moment. Kur ta shikojë vet gjyqtari do të jetë njeriu më i zhgënjyer”.

“Në këtë pikë, ne i dëshirojmë Romës dhe Lazios fatin më të mirë sepse është me rëndësi që klubet italiane të shkojnë sa më larg”, deklaroi Agnelli pas ndeshjes për mediat italiane. /Telegrafi/