Shpejtim Bulliqi e quan pseudo-politikan Bajram Gecajn: Populli ta tregoi vendin!

Deputeti i LDK-së i cili po e kundërshton fuqishëm Demarkacionin me Malin e Z,i i është kundërpërgjigjur Bajram Gecajt. Bulliqi, në një shënim në Facebook, ka shkruar se Gecajt më së miri ia ka treguar vendin populli. Më poshtë mund ta lexoni të plotë postimin e tij.

• LEXO PO ASHTU: Gecaj e quan Bulliqin “profet uzurpator”, e akuzon se ka synim shkatërrimin e LDK-së

“Përgjigje një “politikani” të ardhur para sa vitesh në LDK nga azili

E lexova një shkrim nga një njeri i “besueshëm” dhe mjaft i ri si parashutist në aktivitetet dhe sfidat e partisë më të madhe politike në Kosovë i cili dje na qenka kthyer nga azili për ta “ruajtur” dhe “shpëtuar” LDK-në tonë. I kujtoj këtij që në kohen më të erret dhe me sakrifica personale dhe familjare ne kemi punuar për LDK-në, ndërsa ju keni ikur duke shëtitur shesheve të ndryshme të shteteve perëndimore dhe duke realizuar interesat e tuaja individuale, i sigurt në lëvizje personale dhe familjare, me ndihma sociale apo rrogë të majme për deri sa ne punonim dhe edukonim rinin kosovare.

I kujtojmë ketë avanturire që ne tash e 26 vite kemi nda fatin, te mirat dhe te këqijat me aktivistë të ndryshëm dhe atdhedashës në LDK-në dhe me popullin duke kaluar të gjitha katrahurat dhe vuajtjet neper të cilat ka kaluar Kosova, duke mos u ndarë në asnjë moment madje edhe gjatë bombardimeve të NATO-së. A nuk është jo morale dhe jo etike për një njeri i cili nuk i ka provuar asnjë nga rreziqet e para luftës të ketë një fjalor jo njerëzor për një aktivist të devotshëm të LDK-së. Më së miri le të vlerësoj elektorati i LDK-së ashtu si e ka vlerësuar në zgjedhjet e kaluara.

I kujtoj këtij pseudo politikani se ne të dy se bashku kemi pasur rastin te dalim para popullit në peshoren e tij, ku të dyve na ka treguar vendi pavarësisht faktit qe klanet politike ju kanë dhuruar një post pa vullnetin e popullit dhe për ketë ju jeni i detyruar tani te dilni dhe te tregoni “besënikrinë” tuaj.

I tregoj këtij aventurieri politik se në karrierën time politike tani e 26 vite me radhë kam kaluar nëpër të gjitha nivelet organizative të LDK-së, që nga kryetari i aktivit, nëndegës, nënkryetari e anëtari i kryesisë së degës e deri te anëtari i Këshillit të Përgjithshëm të LDK-së fal përkrahjes se elektoratit tonë besnik për te cilin unë kam punuar edhe atëherë kur ky është shëtitur në bordelet e Evropës perëndimore duke keqpërdor ndoshta edhe djersen e bashkatdhetarëve tanë.

Nga kjo dua të ju bëjë me dije se veprimet e mia prej atëherë e deri me sot kane qenë në përputhje me kërkesat e elektorati Rugovian të LDK-së, të cilët edhe një herë i bëjë më dije që do t’i qëndrojë besnik fuqishëm deri ne fund.

Sa i përket demarkacionit dhe faktografitë e përdorura unë nuk do të bi në nivelin tuaj. E di qe ju nuk merrni vesh aspak dhe se si i tillë mundesh me përkrah çfarëdo mendimi dhe vendimi. Dua që të propozojë që të këshillohesh me ndonjë ekspert që të kuptosh njëherë e përgjithmonë si funksionon hartografia dhe hartat, se si shfrytëzohen ato, kush mund të jetë përpilues i autorizuar dhe kush shfrytëzues. Të sugjeroj që së bashku me ndonjë njohës të hartografisë (mund të jetë edhe ndonjë student i nivelit bachelor është i mjaftueshëm për nivelin tuaj) të konsultosh hartat e prodhimit të vendeve perëndimore si SHBA (shih hartë topografike numër 152-3, per Collection Br.16 Sept’69 e vulosur me UNCLASSIFED Restricted security Information U.S. OFFICIALS ONLY i markuar kufiri real me marker flurocent, hartën topografike 152 viti 1949 Library of Congress may 3 1995, Geography & Map Division me numër G6840 S100 dhe shifër F545-30, 24600 Return to CIA Map Library, hartën topografike NK 34-8, Series M501, Edition 1-AMS, Printed by Army Map Service, Corps of Engineers, 9-59, 667711, hartën Planning Map: Kosovo 1998, National Imagery and Mapping Agency, 18 November 1998 Edition 2.), Britania e Madhe (shih hartën M.D.R.621/10760. 1945, Reproduce by War Office, 1946, si dhe hartën topografike Series GSGS 5726 Sheet 629 Edition 1-GSGS Produced by Military Survey, Ministry of Defence, United Kindom, 1999) Gjermanisë (Hartat topografike Karte des Nordwestbalkan 1:50000 Deutsch Heereskartte, Nicht fur die offentlichkeit, të pjesës perëndimore të Kosovës), vendeve të tre “ekspertëve” që ishin angazhuar që të përcjellin vetëm procedurat jo edhe substancën. Atje mund të kuptosh kush, nga kush dhe çka shfrytëzon në botë nga hartat topografike të shkallëve të ndryshme. Do të jetë rast shumë i mirë për ty që ndoshta, mendje dhe të kuptosh të vërtete ndonjëherë. Nëse edhe këto harta të vendeve mike nuk janë për ty të pranueshme të kuptueshme atëherë skemi çka të diskutojmë.

Dua të bëjë me dije se numri i eksperteve që kanë shqetësime dhe fakte për keq menaxhim të demarkacionit është rritë shumë në krahasim me ata qeveritar. Këtë tani më po e thonë Prof. Muharrem Carabregu, Prof. Perparim Ahmeti, (hartograf dhe gjeodetë), Prof. Hakif Bajrami, Prof. Zymer Neziri (historian), Prof. Prof. Zejnulla Gruda, Prof. Enver Hasani, Prof. Hajredin Kuqi, Prof. Marin Berisha, Prof. Riza Smaka (ekspert të drejtës ndërkombëtare dhe jurist), Prof. Ymer Muhaxheri (filozof), Prof. Muhamet Sadiku (ekonomist), komplet shoqata e gjeodetëve të Kosovës e shume të tjerë, ketë po ta thonë përditë qytetaret tuaj o pseudo politikan . Ekspert shumë të përgatitur profesionalisht dhe të dëshmuar në lëmi të ndryshëm dhe partive të ndryshëm si dhe të pavarur” (sic.), ka shkruar Bulliqi.