Me shpalljen e zgjedhjeve ndalojnë ndërtimet, përurimet, punësimet dhe largimet nga puna

Me shpalljen e zgjedhjeve presidenciale, është ndaluar të ndërtohet me fonde buxhetore ose fonde publike.

Nga Komisioni Shtetëror për parandalimin e korrupsionit rikujtojnë se të gjithë këto aktivitete janë të ndaluara me ligj, përcjell Telegrafi Maqedoni.

Nuk guxon të ndërtohet, të kryhen pagesa shtesë, punësime dhe lëshime nga puna.

Në pjesën e ndërtimit të projekteve infrastrukturore, potencohet se, përveç në për këtë qëllim më parë janë siguruar mjete nga buxheti, nuk mund të fillohet me ndërtimin me fonde publike ose fonde buxhetore apo me mjete të ndërmarrjeve publike apo persona tjerë juridik që kanë në dispozicion kapital shtetëror në objekte të siç janë: rrugët, ujësjellës, kanalizim, salla sportive apo objekte tjera shkollore. foshnja dhe objekte tjera.

Gjithashtu nuk është e lejuar të bëhen pagesa të pagave, pensioneve, ndihmës sociale apo pagesa tjera dhe shtesa materiale nga mjetet buxhetore apo nga fondet publike që janë jashtë kapitalit shtetëror.

E ndaluar është edhe nisja e procedurës për punësimin e personave të rinj apo lëshim nga puna nga institucionet shtetërore dhe është ndaluar përurimet apo lëshimin në përdorim të ndërtimeve të reja.

Në fushatën zgjedhore është e ndaluar edhe shfrytëzimi i hapësirës, pajisjeve dhe automjeteve të organeve shtetërore dhe trysni dhe frikësim ndaj votuesve apo anëtarëve të familjeve të tre apo të afërmve të tyre.

“Komisioni Shtetëror për parandalimin e korrupsionit do ta ndjek gjithë procesin zgjedhor dhe në rast të shkeljes së ligjit do të ndërmerr masa për vërtetimin e dyshimeve të bazuara, do t’i njoftoj organet kompetente”, thonë nga Komisioni Shtetëror për parandalimin e korrupsionit./Telegrafi/