Shokon Driloni gjatë sfidës së buxhetit: Nuk e njeh Ismail Kadarenë dhe Princeshën Diana

Në sfidën më të fundit të Vëllait të Madh, banorët ishin të sfiduar të identifikonin figura të njohura të shfaqura në ekran.

Në një moment të papritur, Driloni nuk e njohu njërin nga shkrimtarët më të mëdhenj shqiptarë, Ismail Kadarenë, i cili ka fituar famë ndërkombëtare dhe ka lënë një trashëgimi të pasur në letërsinë botërore.

Pasi pa portretin e Kadaresë, Driloni shfaqi shenja pasigurie dhe nuk mundi të identifikonte shkrimtarin legjendar.

Po ashtu, ai e pati të vështirë të identifikonte një tjetër figurë botërore – Princeshën Diana, një ikonë e historisë dhe kulturës popullore.

Sfida ka nxjerrë në pah një dallim të madh në njohuritë dhe kulturën e individëve, duke bërë që kjo situatë të bëhet temë diskutimi. /Telegrafi/