Shokohen hulumtuesit, në anijen “Diamond Princess” kanë gjetur gjurmë të coronavirusit edhe pas 17 ditëve

Hulumtuesit që kishin hyrë në anijen “Diamond Princess” kanë ardhur deri të një zbulim shokues  – coronavirusi mund të mbijetojë në sipërfaqe të jashtme më shumë se dy javë, edhe pse deri më tani besohej se periudha e mbijetesës së virusit është shumë më e shkurtër.

Gjurmët e coronavirusit janë gjetur në anijen “Diamond Princess” që ishte futur në karantinë n portin japonez, madje edhe pas 17 ditëve. Gjurmët janë gjetur në sipërfaqet e kabinave nëpër të cilët kanë qëndruar personat e infektuar me virus, thuhet në studimin e realizuar nga një grup hulumtuesish, transmeton Telegrafi.

Megjithatë është e pamundur të konfirmohet nëse këto gjurmë mund të shkaktojnë më tutje infeksione të reja. Kujtojmë që një studim i realizuar kohë më parë ka treguar se virusi mund të mbijeton në plastikë dhe çelik deri në tri ditë. Ndërkaq nëpër bravat e dyerve edhe më gjatë, në laminat dhe sipërfaqe tjera të forta.

Virusi ka qenë më pak i qëndrueshëm në bakër, ku pas vetëm katër orëve nuk është gjetur ndonjë gjurmë e virusit. Gjithashtu nuk ka qenë i qëndrueshëm edhe në karton, ku pas 24 orëve është zhdukur, ishte thënë në raportin e Neë Angle Journal of Medicine.

Ndërkaq në studimin e ri janë kontrolluar dhomat të cilat ende nuk ishin pastruar. Sipas hulumtuesve, pastrimi është mënyra më efikase për ta mbytur virusin. Gjithashtu në studim thuhet se infeksioni është përhapur nëpër anije para se ai të futej në karantinë.

Deri më tani në mbarë botën janë infektuar me coronavirus 349.751 persona, kurse 15.306 kanë humbur jetën e 100.345 janë shëruar, bazuar në të dhënat më të fundit të Worldometer. Të infektuar ka në 192 shteteve të botës nga 195 sa janë në total. /Telegrafi/